ସାମ୍ୟ ଶାନ୍ତି କାୟା ବିସ୍ତାରିବ

ଟିକି ପିଲା ଥିଲି,

ମନେ ଥିଲା ଗଢିବି ମୋ ଦେଶକୁ,

ରଖିବିନି ହୄଦୟରେ ରାଗ 

ଅହଂକାର,

ଇର୍ଷା ଦ୍ବେଷ ପରନିନ୍ଦା 

ପରଶ୍ରୀକାତର |

ଟିକି ପିଲା ଥିଲି,

ମନେ ଥିଲା ଗଢିବି ମୋ ଦେଶକୁ

ଦିବ୍ୟ ଜ୍ଞାନ ଭରିବି 

ହୄଦୟରେ,

ବସୁଧୈବକୁଟୁମ୍ବକମ 

ନୀତିରେ |

ଟିକି ପିଲା ଥିଲି,

ମନେ ଥିଲା ଗଢିବି ମୋ ଦେଶକୁ

ପ୍ରାଣୀ ଉଦ୍ଭିଦ ଜଗତକୁ 

ସୁରକ୍ଷା ଦେବି,

ସରଂକ୍ଷଣ ଦାୟିତ୍ୱକୁ ମୁଁ 

ନିଜର କରିବି |

ଟିକି ପିଲା ଥିଲି,

ମନେ ଥିଲା ଗଢିବି ମୋ ଦେଶକୁ

ଜୀବନ ଧାରଣ ପାଇଁ ପରସ୍ପର 

ମଧ୍ୟରେ

ନିର୍ଭର ହୋଇ ରହିବୁ ଆନନ୍ଦ

 ମନରେ |

ଟିକି ପିଲା ଥିଲି,

ମନେ ଥିଲା ଗଢିବି ମୋ ଦେଶକୁ

ବୁଦ୍ଧି ଜ୍ଞାନରେ କରି ନୂଆ 

ଉଦ୍ଭାବନ 

ପ୍ରାଣୀଙ୍କ ମଙ୍ଗଳାର୍ଥେ କରିବୁ 

ବିଧାନ |

ଟିକି ପିଲା ଥିଲି,

ମନେ ଥିଲା ଗଢିବି ମୋ ଦେଶକୁ

ସାରା ଧରା ହେବ ଏକ 

ପରିବାର

ଭେଦାଭେଦ ରହିବନି ସବୁ 

ଏକାକାର |

ଟିକି ପିଲା ଥିଲି,

ମନେ ଥିଲା ଗଢିବି ମୋ ଦେଶକୁ

ଶାନ୍ତି ମୈତ୍ରୀ ପ୍ରୀତି ଭାବ 

କରିବି ଜାଗ୍ରତ,

ଶାନ୍ତିରେ ରହିବୁ ହସିବ 

ଆମର ଜଗତ |

ଟିକି ପିଲା ଥିଲି,

ମନେ ଥିଲା ଗଢିବି ମୋ ଦେଶକୁ,

ରହିବନି ଶତ୍ରୁତା ଦେଶ 

ଦେଶ ମଧ୍ୟରେ 

ନରହିବା ମାରଣାସ୍ତ୍ର ଜୈବ 

ଅସ୍ତ୍ର ଭୟରେ |

ଜ୍ଞାନ କିଛି ଲଭିଲି,

ଜ୍ଞାନର ଉପଯୋଗ କରି ଗଢିବି ଦେଶକୁ ଭାବୁଛି,

ଭ୍ରାତୄଭାବ ଭ୍ରାତୄପ୍ରେମ ଜାଗୁନି

କାହା ହୄଦୟରେ

ଶାନ୍ତି ଓ ସହାବସ୍ଥାନ କଥା 

ରହିଛି ପୋଥିପତ୍ରରେ |

ଜ୍ଞାନ କିଛି ଲଭିଲି,

ଜ୍ଞାନର ଉପଯୋଗ କରି ଗଢିବି ଦେଶକୁ ଭାବୁଛି,

ମଣିଷକୁ ଦେଖ ଭଲ କି ମନ୍ଦ 

ପରଖୁଛି,

ସ୍ବାର୍ଥ ରଙ୍ଗ ଭରି ମଣିଷ ଆଜି 

ରକ୍ତ ହୋଲି ଖେଳୁଛି |

ଜ୍ଞାନ କିଛି ଲଭିଲି,

ଜ୍ଞାନର ଉପଯୋଗ କରି ଗଢିବି ଦେଶକୁ ଭାବୁଛି,

ମଣିଷର ହୃଦୟ ଅତିଶୟ

 ନିଷ୍ଠୁର ହୋଇଛି,

କରୁଣ ଚିତ୍କାର କାନେ ଶୁଣି 

ଯୁଦ୍ଧର ତାଣ୍ଡବ ରଚୁଛି ।

ଜ୍ଞାନ କିଛି ଲଭିଲି,

ଜ୍ଞାନର ଉପଯୋଗ କରି ଗଢିବି ଦେଶକୁ ଭାବୁଛି,

ବଦଳିଛି ପୃଥିବୀର ସଭ୍ୟତା 

ବଦଳିଛି ରୂପ ମାନବର, 

ପୁଂଜିବାଦୀ ସଂସାରରେ ନାହିଁ 

ସାମ୍ୟବାଣୀର ବିଚାର |

          

ଜ୍ଞାନ କିଛି ଲଭିଲି,

ଜ୍ଞାନର ଉପଯୋଗ କରି ଗଢିବି ଦେଶକୁ ଭାବୁଛି,

ସମୟ ମିଳୁନି ସହଯୋଗ 

ପାଇଁ ଆଜି ମଣିଷର 

ଆଶା ନପୁରିଲେ ମିଛରଙ୍ଗ ବୋଳେ 

ନିବିଡ଼ ସମ୍ପର୍କ ଭିତର |

ଜ୍ଞାନ କିଛି ଲଭିଲି,

ଜ୍ଞାନର ଉପଯୋଗ କରି ଗଢିବି ଦେଶକୁ ଭାବୁଛି,

ଦେଖୁଛେ କିଛି ଅତି ନଗ୍ନ ପ୍ରତିଛବି 

କ୍ଷମତାରେ ହୋଇ ବାଇ

ବିରୋଧାଭାଷରେ ଅତିରଞ୍ଜିତରେ

ତାର ସମୟ ସରଇ ନାହିଁ |

ଜ୍ଞାନ କିଛି ଲଭିଲି,

ଜ୍ଞାନର ଉପଯୋଗ କରି ଗଢିବି ଦେଶକୁ ଭାବୁଛି,

ଚାଲୁଛି ଧ୍ବଂସର ତାଣ୍ଡବଲୀଳା 

ବିକାଶ ନାମରେ, 

ହୁଅଇ ଶାସକ, ନେତା କିଣି 

ଭୋଟ ମୋ ଦେଶରେ |

ଜ୍ଞାନ କିଛି ଲଭିଲି,

ଜ୍ଞାନର ଉପଯୋଗ କରି ଗଢିବି ଦେଶକୁ ଭାବୁଛି,

ହିତାହିତ ଜ୍ଞାନ ଭୁଲି, ଶାସକ 

ଶୋଷକର କାମ କରେ,

ଅତ୍ୟାଚାର କରେ ଆଇନ ଧାରା 

କରି ମେହନତୀ ମଣିଷ ଉପରେ |

ଜ୍ଞାନ କିଛି ଲଭିଲି,

ଜ୍ଞାନର ଉପଯୋଗ କରି ଗଢିବି ଦେଶକୁ ଭାବୁଛି,

ଭାସିଯାନ୍ତି ସହସ୍ର ଯୁବକ ବେକାରୀର 

ସୁନାମି ବାତ୍ୟାରେ, 

ଉଗ୍ରପନ୍ଥୀ ବନିଯାନ୍ତି ବିଷାଦରେ ବୁଲି 

ବୁଲି ଏହି ସମାଜରେ |

ଜ୍ଞାନ କିଛି ଲଭିଲି,

ଜ୍ଞାନର ଉପଯୋଗ କରି ଗଢିବି ଦେଶକୁ ଭାବୁଛି,

ନାରୀ ଆଜି ହୁଏ ବିବସ୍ତ୍ର ଧର୍ଷିତା 

ଦିନ ଆଲୋକରେ

ମୋ ଦେଶର ବହୁ କନ୍ୟା ମରନ୍ତି 

ଯୌତୁକ ଜ୍ବାଳାରେ |

ଜ୍ଞାନ କିଛି ଲଭିଲି,

ଜ୍ଞାନର ଉପଯୋଗ କରି ଗଢିବି ଦେଶକୁ ଭାବୁଛି,

କାହାକୁ କହିବି, ପରିବାର ଭଳି 

ସର୍ବେ ଏକ ମନ ହୋଇ,

ଜୀବନ କାଟିବେ ଏଠି, ସରବେ 

ସୁଖୀ ଭବନ୍ତୁ, ଧ୍ୟାୟୀ |

ଜ୍ଞାନ କିଛି ଲଭିଲି,

ଜ୍ଞାନର ଉପଯୋଗ କରି ଗଢିବି ଦେଶକୁ ଭାବୁଛି,

ଗର୍ବ ଅହଂକାର ଭରିଥିବା ହୃଦୟ 

ସତରେ ତାହା ଫିଙ୍ଗିବ

ସତରେ କଅଣ ସ୍ବାର୍ଥ ମୋହ ଯାଇ 

ସାମ୍ୟ ଶାନ୍ତି କାୟା ବିସ୍ତାରିବ|