ସ୍ପନ୍ଦନ

ହୃଦୟର ପ୍ରତି ଟି ସ୍ପନ୍ଦନେ

ଆଜି ଶୁଭୁଛି ତୁମ ଗୀତ

ଝଙ୍କୃତ ହେଉଛି ପୁଣି

ସେ ପ୍ରୀତି ସଂଗୀତ

ମନ ଆଇନା ରେ ଆଜି ଝଟକେ ସେ ଛବି

କଥା କୁହା ଆଖି ପୁଣି ଚାହାଣି ତ କବି

ଆଖିର ଆଇନା ଆଜି ମିଛ କି କହୁଛି

ସେ ଚାହାଣି ଭିତରେ ତ କାହାଣୀ ରହିଛି

ଅନେକ ଅକୁହା କଥା କହିବାକୁ ଅଛି

ଜୀବନର ହସ ଲୁହ ସବୁ ମିଶିଅଛି

ଦରଦୀ ବନ୍ଧୁଟେ ବୋଲି ହୃଦୟ ମାନୁଛି

ବ୍ୟଥା, ବେଦନାର ଗୀତ ଆଖିରେ ଲୁଚିଛି

ସ୍ମୃତି ର ଲୁହ ଆଜି ସାଇତି ରଖିଛି

ହୃଦ କାଗଜ ସେହି ସ୍ମୃତିକୁ ଲେଖିଛି

ଜାଣେନା ସେ ଗୀତ କାହିଁ ଅଲୋଡ଼ା ହେଇଛି

ଜୀବନ ର ଚଲାପଥେ ପଥ ହୁଡ଼ି ଆଜି

ଲୁହ ଦରିଆ ରେ ଆଜି ନିଜେ ମୁଁ ଭାସୁଛି

ଆଶା ସବୁ ଲୀନ ହେଇ ସାଗରେ ମିଶିଲା

କୋହ ସବୁ ହୃଦୟରେ ଚାପି ହୋଇଗଲା

ଜୀବନ ର ସଞ୍ଜ ଆସି ଉପନୀତ ହେଲା

ପ୍ରେମ, ପ୍ରତାରଣା ସବୁ ଏକା ହୋଇଗଲା

ସଞ୍ଜ ସଳିତା ପରି ସେ ଖାଲି ଜଳୁଥିଲା

ଆଶାର ଫୁଲ ମଉଳି ଲୀନ ହୋଇଗଲା

ଜୀବନ ସଞ୍ଜ ରେ ସବୁ କାହାଣୀ ସରିଲା

ସମ୍ପର୍କ ର ସେତୁ ପୁଣି ଆଜି ଭାଙ୍ଗି ଗଲା

ତୁଚ୍ଛ ପୁଣି ମନ ର ସେ ଭାବନା ହଜିଲା

ଅନନ୍ତ ଆକାଶ ତଳେ ଲୀନ ହୋଇଗଲା

ମାୟା,ମୋହ,ସମ୍ପର୍କ ଯେ ଛିନ୍ନ ହୋଇଗଲା l