ଲାଇବ୍ରେରୀ
ପ୍ରୋଫାଇଲ୍
ପ୍ରେମ ଏକ ଅବୁଝା କବିତା
ପ୍ରେମ ଏକ ଅବୁଝା କବିତା
1 min
156
କବି ସିନା ଲେଖିଦିଏ କବିତାର ଭାଷା
ହେଲେ ସେ ପ୍ରେମ ଏକ ଅବୁଝା କବିତା
ନିଷିଦ୍ଧ ମନର ଅଗଣାରେ
ସ୍ପନ୍ଦିତ ହୁଏ କେତେ ଯେ ଅକୁହା କଥା
ପ୍ରେମ ଏକ ଅବୁଝା କବିତା
ଜାଣିପାରେନା ସେ ଗୋଲାପର
ବୃନ୍ତରେ ଲାଖିଅଛି କେତେ ଯେ କଣ୍ଟା
ପ୍ରେମ ଏକ ଅବୁଝା କବିତା
କେତେବେଳେ ସପ୍ନ ବି ବାସ୍ତବ ହୁଏ
ଆଉ କେତେବେଳେ ବାସ୍ତବ ବି ସ୍ୱପ୍ନ ହୁଏ
ସୁନ୍ଦର ମନରେ ଭରିଦିଏ କେତେ କୋହ ବ୍ୟଥା
ପ୍ରେମ ଏକ ଅବୁଝା କବିତା
କେତେବେଳେ ବିରହୀ ପ୍ରେମିକ ସାଜି
ନିଷିଦ୍ଧ ବେଳାଭୂମିରେ ପିଟେ ତାର ମଥା
ପ୍ରେମ ଏକ ଅବୁଝା କବିତା
ହୃଦୟର କୋରା କାଗଜରେ
ଲେଖି ଦିଏ କେତେ ପ୍ରେମ ଗାଥା
ପ୍ରେମ ଏକ ଅବୁଝା କବିତା
ବିରହୀ ପ୍ରେମିକା ସାଜେ ସଂଜ ଅଭିସାରିକା
ଆଖି ତାର କହିଦିଏ ହୃଦୟର ଭାଷା
ପ୍ରେମ ଏକ ଅବୁଝା କବିତା
ଚାନ୍ଦ ଚକୋରର ବିରହ ବେଦନା
କବି କବିତାରେ ଲେଖିଦିଏ ସିନା
ବିରହ ବହ୍ନିରେ ନୀତି ଜଳେ ଚିତା
ପ୍ରେମ ଏକ ଅବୁଝା କବିତା ।
