ଲାଇବ୍ରେରୀ
ପ୍ରୋଫାଇଲ୍
ନିର୍ଜନତା
ନିର୍ଜନତା
1 min
201
ରାତ୍ରିର ସେ ନିର୍ଜନ ପ୍ରହରେ
ସବୁ ସମ୍ପୂର୍ଣ୍ଣର ସୂତା ଖିଅ ଛିଣ୍ଡି ଗଲା ପରେ
ତୁମେ ଆସ ମୋ ସପ୍ନରେ
ଅବା ବାସ୍ତବତା ଭିତରେ
ଲୁହ ସବୁ ଝରିଗଲା ପରେ
କୋହ ସବୁ ଛାତି ତଳେ ଚାପି ହୋଇରହିଯାଏ
ସ୍ମୃତି ସବୁ ସମାଧି ନେଇ ଯାଏ
ତୁମେ ଚାଲିଗଲା ପରେ
କିଛି ସମ୍ପର୍କ ସେମିତି ରହିଯାଏ
ଯାହାର କିଛି ନାଁ ବି ନଥାଏ
ଯାହା ସମୟ ସାଥିରେ ଲିଭିଯାଏ
କିଛି ସମ୍ପର୍କ ନଥାଇ ବି
ଦିନେ ସେ ସମ୍ପର୍କ ଅତି ଆପଣାର ହୁଏ
କିଛି ଭାବନା ମନକୁ ଆନ୍ଦୋଳିତ କରେ
କିଛି କଥା ନିର୍ଜନତାରେ ହିଁ ବୁଝିବାକୁହୁଏ
କିଛି ଭାଷା ଅକୁହା ହୋଇ ବି
ଅନେକ କିଛି କହିଦେଇଥାଏ
କିଛି ଚାହାଁଣି ଜୀବନରେ ଅନେକ କିଛି କହିଦିଏ
କିଛି ଶବ୍ଦ ଅନେକ ଭାବନାକୁ କହେ
କିଛି ସପ୍ନ ଅନେକ ବାସ୍ତବତାରୁ ହିଁ ଆସେ
କିଛି ଆଶା ଅନେକ ଭାବନାରେ ବଞ୍ଚେ
କିଛି ନୀରବତା ଅନେକ କିଛି କାହାଣୀ ଲେଖେ
କିଛି ସ୍ମୃତି ହୃଦୟରେ ଭାସେ
କିଛି ସମ୍ପର୍କ ସେମିତି ଅଭୁଲା ଅତୀତଟେ ହୋଇ
ସାରା ଜୀବନରେ ନାଚେ ll
