ସଂସ୍କୃତି ଧାରା

କବିତା - ସଂସ୍କୃତି ଧାରା
ରଚନା - ପଞ୍ଚାନନ ଜେନା
ତାରିଖ -17-01-2026
++++++++++++++++
 ଆଖିରେ ଚୋରା ବସନ୍ତ
ଚାଲିରେ ହସନ୍ତ ହେମନ୍ତ
ପାପୁଲିରେ ରୁଦ୍ର ବୈଶାଖ
 ନିଶ୍ୱାସରେ ଶରତ ମୟୁଖ
  ବୁଝି ପାରୁଛ କି ନାହିଁ ?
 ଆହେ ପୁରୁଷ ଗୋସେଇଁ
ଷଡ଼ଋତୁକୁ ସାଥିରେ ଧରୀ
ବୁଲୁଥାଏ କୁମାରୀ ମୟୁରୀ ।

 ସ୍ନେହ ମମତାରେ ହିମାଳୟ
 ଦୟା କରୁଣାରେ ମହାସାଗର
ତ୍ୟାଗ ବଳିଦାନେ ବିନ୍ଧ୍ୟାଳୟ
 ସେବା ସତ୍କାରେ କ୍ଷମାସାଗର
 ହେଜି ପାରୁଛ କି ନାହିଁ ?
 ଆହେ ପୁରୁଷ ଗୋସେଇଁ
ପର୍ବତ ସାଗର ଗର୍ଭରେ ଧରି
 ନାରୀ ନୁହେଁ ସେ ଜଗତ ଧୂରୀ ।

 ଗୃହସ୍ଥି କୁଟୁମ୍ବ ମଧ୍ୟେ କର୍କରେଖା
 ଚାରିକାନ୍ଥ ଭିତରେ ନନ୍ଦନକାନନ
 ପୂଜା ପାର୍ବଣ ପାଳନେ ସମୟରେଖା
 ପର୍ବ ପର୍ବାଣୀ କହେ ଖନାବଚନ
ମୁଣ୍ଡରେ ପଶିଲା କି ନାହିଁ ?
 ଆହେ ପୁରୁଷ ଗୋସେଇଁ
ସଂସ୍କାର ପରମ୍ପରା ଗଭା ଗଜରା
 ମହିଳା ନୁହଁ ସେ ସଂସ୍କୃତି ଧାରା