ସନ୍ଧ୍ୟା ଆଳତି
ସନ୍ଧ୍ୟା ଆଳତି
ସନ୍ଧ୍ୟା ଆଗମନ ହୋଇ ଆସିଲାଣି
ଅନ୍ଧକାର ଦିଶେ ମହୀ,
କୁଳ ଭୁଆସୁଣୀ ଧୂପ ଦୀପ ବାଢି
ପଢେ ଭାଗବତ ବହି ।
ଶୁଭ ସନ୍ଧ୍ୟା ବେଳେ ହାର୍ଦ୍ଧିକ ଶୁଭେଚ୍ଛା
ଘେନ ମୋର ବନ୍ଧୁ ବର୍ଗ,
ଜଗନ୍ନାଥଙ୍କ ର ଝରୁ ଶୁଭାଶିଷ
ମର୍ତ୍ତ୍ୟ ଭୂମି ହେଉ ସ୍ୱର୍ଗ
ମର୍ତ୍ତ୍ୟ ଭୂମି ହେଉ ସ୍ୱର୍ଗ ।
ଆହେ ଜଗନ୍ନାଥ ଜଗତର ନାଥ
କରୁଣା ଟିକିଏ କର,
ମାୟା ବନ୍ଧନରୁ ଅଧମ ଜନଙ୍କୁ
ଉଦ୍ଧାର କର ଶ୍ରୀ ଧର ।
କେହି ରହିବେନି ମିଛ ଦୁନିଆ ଏ
ଏତ ଚିରନ୍ତନ ସତ୍ୟ,
ଗର୍ବ ହିଂସା ଦ୍ୱେଷ ପରିତ୍ୟାଗ କଲେ
ମିଳିବ ମୁକତି ପଥ ।
ଯେତେ ଦିନ ମନ ସଂସାରରେ ଅଛୁ
ଭଜୁଥା ଚକାନୟନ,
ମିଛ ଦୁନିଆରେ ତୁମେ ଏକା ସତ୍ୟ
ବୈକୁଣ୍ଠେ ପାଇବୁ ସ୍ଥାନ ।
କରୁଥିଲେ କର୍ମ ଅର୍ଜୁଥିଲେ ପୁଣ୍ୟ
ଯେ ଧନ ହୁଅଇ ପ୍ରାପ୍ତ,
ଧନ ବଳବାନ ପ୍ରାପ୍ତେ ସୁଖାସନ
ତୋଷ ହ୍ଵନ୍ତି ଜଗନ୍ନାଥ ।
ପ୍ରଭୁ ଜଗନ୍ନାଥ ଆଶିଷର ଝର
ଝରୁ ଥାଉ ଝର ଝର,
କରୁଣା କଟାକ୍ଷେ ଘୁଞ୍ଚୁ ଭୟ ଭ୍ରାନ୍ତି
ସୁଖୀ ହୁଅ ବନ୍ଧୁ ବର
ସୁଖୀ ହୁଅ ବନ୍ଧୁ ବର ।