ଗୁରୁ

ପିତା-ମାତା ଦୁହେଁ ଆଦ୍ୟଗୁରୁ ଆମ

ସବୁଠୁ ଅତି ନିଜର,

ସୁଖ ହେଉ ଦୁଃଖ ସାଥେ ସଦା ଥାନ୍ତି

ଦୁହେଁ ଜୀବନ୍ତ ଠାକୁର ।

ଗୁରୁ ଶିକ୍ଷାଦାତା ଗତି ମୁକ୍ତିଦାତା

ଗୁରୁ ସାକ୍ଷାତ ଇଶ୍ବର,

ଗୁରୁମା' ମାତୃତ୍ବ ପ୍ରେମ, ମମତାରେ

କରନ୍ତି ସ୍ନେହ ଆଦର ।

ଗୁରୁଜନ ମାନେ ଅତି ଆପଣାର

ଦେଉଥାନ୍ତି ନୀତି ଶିକ୍ଷା,

କହନ୍ତି ବୁଝାଇ କୋଉଁ ବାଟେ ଗଲେ

ନିଜକୁ କରିବ ରକ୍ଷା ।

ଜୀବନ ପଥରେ ଚାଲିବାକୁ ହେଲେ

ଗୁରୁ ଲୋଡ଼ା ଯେ ନିତ୍ୟାନ୍ତ,

ସାନ କିମ୍ବା ବଡ଼ ଯିଏ ଶିକ୍ଷା ଦେଲେ

ଗୁରୁ ବୋଲି ବିବେଚିତ ।

ଶିକ୍ଷାଦାତା ବୋଲି ଗୁରୁ ଏ ଜଗତେ

ଉଡୁଅଛି ତୁମ ନେତ,

ଦୀନ ଅକିଞ୍ଚନ ଅକ୍ଷୟର ଘେନ

କୋଟି କୋଟି ଦଣ୍ଡବତ ।