Unlock solutions to your love life challenges, from choosing the right partner to navigating deception and loneliness, with the book "Lust Love & Liberation ". Click here to get your copy!
Unlock solutions to your love life challenges, from choosing the right partner to navigating deception and loneliness, with the book "Lust Love & Liberation ". Click here to get your copy!

କବିଶ୍ରୀ ଅକ୍ଷୟ କୁମାର ବେହେରା

Others

4  

କବିଶ୍ରୀ ଅକ୍ଷୟ କୁମାର ବେହେରା

Others

ଝିପିଝିପି ବର୍ଷା

ଝିପିଝିପି ବର୍ଷା

2 mins
7



ଝିପିଝିପି ବର୍ଷା ବଦଳାଇ ଦେଲା

ଆମରି ଗାଆଁ ଚେହେରା,

ଝରଝର ପାଣି ଝରଇ ଚାଳରୁ

ଲାଗଇ ଶ୍ରାବଣ ଧାରା ।


ଅଙ୍କାବଙ୍କା ହୋଇ ନୂଆଣିଆ ଚାଳେ

ମାତିଛି କଖାରୁ ଲତା,

ଜହ୍ନି ଫୁଲ ହସେ ଘର ଅଗଣାରେ

ଜଙ୍ଗଲକୁ ଛତୁ ଛତା ।


ଧବ ଫରଫର ଡେଣା ଝାଡି ବଗ

ଖାଦ୍ୟ ଅନ୍ବେଷଣେ ଯାଏ,

ଚତୁର ବିଲୁଆ ଭୋକ ବିକଳରେ

ହୋକେ ହୋଅ କରୁଥାଏ ।


ଓଦା ସରସର ସବୁଜିମା କ୍ଷେତ

ଧରଣୀ ରାଣୀକୁ ଶୋଭା,

ପୋଖରୀ ପାଣିରେ କଇଁ ଫୁଲ ଫୁଟି

ଦିଶେ ଅତି ମନ ଲୋଭା ।


ତରତର ହୋଇ ଚାଷୀ ପୁଅ ଯାଏ

ବାଡି କଦାଳକୁ ନେଇ,

ବିଲକୁ ସଜାଡି ଘରକୁ ଫେରଇ

ଶୀତେ ଥରଥର ହୋଇ ।


ଏଠିସେଠି ବସି ତାସ ଖେଳୁଥାନ୍ତି

ଗାଁ ଛକେ କରି ମେଳି,

ତୁମ ଚାଳ ପାଣି ମୋ ବାଟେ ଆସୁଛି

କହି କରେ କିଏ କଳି ।


ବାଟେଘାଟେ ପାଣି ପଚର ପଚର

ପଡିଆବି ଯାଏ ପୂରି,

ଗୃହ ପୋଶା ପଶୁ ଚରି ନପାରନ୍ତି

ନିରାଶେ ଆସନ୍ତି ଫେରି ।


କୁଳୁକୁଳୁ ନଈ ଛାତିକୁ ଫୁଲାଇ

ଅବିରତେ ଯାଏ ବହି,

ବର୍ଷାରେ ଗାଁ ରୂପ ଯେତେ ବି ବର୍ଣିଲେ 

କେବେ ଶେଷ ହେବ ନାହିଁ ।




Rate this content
Log in