ଶ୍ରୀଗଣେଶ

ଶ୍ରୀଗଣେଶ ବିଘ୍ନହର୍ତ୍ତା 

ତୁମ ପାଦେ ଗଲି ଶରଣ,

ରକ୍ଷାକର ଏ ଅଧମକୁ 

କୃପାକରି ଡାକ ଶୁଣ ।

ସର୍ବ ଦେବାଦେବୀ ଠୁ ପ୍ରଭୁ 

ତୁମେ ଅଟ ଅଗ୍ରପୂଜ୍ୟ,

ତୁମରି ନାମରେ ଆରମ୍ଭ ଯେ 

ସକଳ ଶୁଭ କାର୍ଯ୍ୟ ।

ବିଦ୍ୟାଦାତା, ଜ୍ଞାନଦାତା ତୁମେ 

ହେ ପାର୍ବତୀ କୁମର,

ତୁମ ଜ୍ଞାନ ଦାନେ ଆଲୋକିତ 

ହେଉ ସାରା ସଂସାର ।

ଜଣା ନାହିଁ କିଛି ବୁଦ୍ଧି ଜ୍ଞାନ 

ମୁଁ ଗୋଟେ ଛାର ନର,

ଅଜ୍ଞାନ କୁ ମୋ ନାଶ କରି 

ଦିଅ ଜ୍ଞାନର ଭଣ୍ଡାର ।

ଲେଖନୀରେ ମୋ ଶକ୍ତି ଦିଅ 

ଏତିକି କରୁଛି ଅଳି,

ସମାଜ ମଙ୍ଗଳେ ଲେଖି କିଛି 

ଦୁଃଖକୁ ଦେବି ଫେଡ଼ି ।

ତୁମ ପାଦ ତଳେ ଶ୍ରୀଗଣେଶ

ଏତିକି ମାଗୁଣି ମୋର,

ଏ ସାରା ସଂସାରେ ଶାନ୍ତିଭରି

ଦୁଃଖ, କ୍ଳେଶ ହେଉ ଦୂର ।

ଲୋଡ଼ା ନାହିଁ ମୋର ନିଜ ପାଇଁ

କିଛି ଧନ ଦଉଲତ,

ଭକ୍ତି ଚିତ୍ତେ କରୁଅଛି ତୁମ

ପାଦେ କୋଟି ଦଣ୍ଡବତ ।