ବନ୍ଧୁ
ବନ୍ଧୁ
ଜଗତ ଗୋସାଇଁ ଆହେ ଦୀନବନ୍ଧୁ
ତୁମ ବିନା କେବାଅଛି,
ତୁମ ପରି ବନ୍ଧୁ ଜୀବନେ ମୋ ଥିଲେ
ଡର ନାହିଁ ଆଉ କିଛି ।
ସୁଖରେ ଦୁଃଖରେ ପାଶେ ମୋ ରହିବ
ହାତ ଧରି ଚାଲୁଥିବି,
ଯେତେ ଝଡ଼ ଝଞ୍ଝା ଆସୁ ପଛେ କେବେ
ତୁମ ସାଥେ ରହିଥିବି ।
ପ୍ରକୃତ ବନ୍ଧୁ ଯେ ପାଖ ଛାଡେ ନାହିଁ
ଯେତେ ଆସିଲେ ବିପଦ,
ପାଖେ ଆସିକରି ଠିଆ ହୋଇଥାଏ
ନଥାଉ ଧନ ସମ୍ପଦ ।
କୃଷ୍ଣ ସୁଦାମା ଙ୍କ ବନ୍ଧୁତା ର କଥା
ରହିଛି ଉଦାହରଣ,
ଧନି ଗରିବର ଭେଦ ରହେନାହିଁ
ଦୁଇ ଦେହ ଏକ ମନ ।
ଏ ବନ୍ଧୁତାରେ କାହା ନଲାଗୁ ନଜର
ଆହେ ପ୍ରଭୁ ଜଗନ୍ନାଥ,
ଏତିକି ମାଗୁଣି ତୁମ ପାଦତଳେ
ଆଶିଷରେ କର ତୃପ୍ତ ।
ମୋ ଜୀବନ ବନ୍ଧୁ ଆହେ ଦୀନବନ୍ଧୁ
ତୁମବିନା ନାହିଁ କେହି,
ଜୀବ ଗଲାବେଳେ ମୋ ପାଶେ ଆସିବ
ତୁମ ବାଟ ଥିବି ଚାହିଁ ।।