ଗୁରୁ ଦକ୍ଷିଣା
ଗୁରୁ ଦକ୍ଷିଣା
ଗୁରୁ ଙ୍କ ର ଗୁଣ ଗାରିମା ରାଶି ଯେ ଅକଳନ
ଗୁରୁ ଦକ୍ଷିଣା ର ମୂଲ୍ୟ କି ହୁଅଇ ଆକଳନ ।
ଶିଷ୍ୟ ଙ୍କ ତୋଷ ରେ ଗୁରୁ ଯେ ହୋଇ ଥାନ୍ତି ସନ୍ତୋଷ
ଗୁରୁ ଦକ୍ଷିଣା ଯେ ରଖଇ ଏଣୁ ମୂଲ୍ୟ ବିଶେଷ ।
ଗୁରୁ ଶିଖାଅନ୍ତି ଅଶେଷ ବିଦ୍ୟା , ଶିକ୍ଷା ସାଧନ
ଗୁରୁ ସୁସିକ୍ଷା ରେ ମଣିଷ ଅର୍ଜି ଥାଆନ୍ତି ଧନ ।
ଖୁସି ମନେ ଯିଏ ଯାହା ବି ଦେଇ ଥାଏ ଗୁରୁ ଙ୍କୁ
ପରମ ତୃପ୍ତି ରେ ଗ୍ରହଣ କରନ୍ତି ଗୁରୁ ତାକୁ ।
ଶିଷ୍ୟ ଧନେ ଧନୀ ନୁହଁନ୍ତି ଗୁରୁ ମାନେ କେବେ ହେଁ
ବିଦ୍ୟା ଧନେ ଗରୀୟlନ୍ ସେ ସତ ଶିକ୍ଷା ଯେ ଦିଏ ।
ଶିଷ୍ୟ ବିତ୍ତ ହାରୀ ବହୁତ ଗୁରୁ ଅଛନ୍ତି ସିନା
ସନ୍ତlପ ହାରକ ଗୁରୁ ଙ୍କୁ ଦ୍ୟନ୍ତି ଶିଷ୍ୟ ଦକ୍ଷିଣା ।
ଶିକ୍ଷା ଜ୍ଞାନ ତଥ୍ୟ ତତ୍ତ୍ୱ ର ଗୁରୁ ଦ୍ୟନ୍ତି ସନ୍ଧାନ
ଶିକ୍ଷା ର ଶେଷ ରେ ଗୁରୁ ଙ୍କୁ ଶିଷ୍ୟ ଯେବଣ ଧନ ।
ଦିଅନ୍ତି ତାହା କୁ କହନ୍ତି ଗୁରୁ ଦକ୍ଷିଣା ବୋଲି
ଯାହା ଦେଇ ଶିଷ୍ୟ ଥାଆନ୍ତି ଗୁରୁ ଆଶିଷ ଲଭି ।
ପ୍ରାଚୀନ ଯୁଗରେ ଭାରତେ ଗୁରୁ ଦକ୍ଷିଣା ଗାଥା
ସନ୍ଦିପନୀ ଶିଷ୍ୟ ଶ୍ରୀ କୃଷ୍ଣ ହରି ଥିଲେ ସେ ବ୍ୟଥା ।
ଯମ ପୁରୁ ମୃତ ପୁତ୍ର ଙ୍କୁ ଯାଇ ଫେରାଇ ଆଣି
ଦକ୍ଷିଣା ଭାବ ରେ ସମର୍ପି ଗୁରୁ ଙ୍କ ମନ ଜିଣି ।
ଉପମନ୍ୟୁ ଗୁରୁ ଆଦେଶେ ଭିକ୍ଷା ଆଚରି ଥିଲେ
ଏକ ଲବ୍ୟ ନିଜ ଅଙ୍ଗୁଳି କାଟି ଗୁରୁ ଙ୍କୁ ଦେଲେ ।
ଏପରି ଅଜସ୍ର ଦୃଷ୍ଟାନ୍ତ ଗୁରୁ ଦକ୍ଷିଣା ପାଇଁ
ଗୁରୁ ସେବା ଭକ୍ତି ପ୍ରକାଶେ ଶିଷ୍ୟ ଦକ୍ଷିଣା ଦେଇ ।