ଗୁରୁ ତୁମେ ଅଟ ଚଳନ୍ତି ଠାକୁର
ଗୁରୁ ତୁମେ ଅଟ ଚଳନ୍ତି ଠାକୁର
ଅଜ୍ଞାନ ଅନ୍ଧାର
ଦୂର କରିବାରେ
ଗୁରୁଙ୍କ ଭୂମିକା ଶ୍ରେଷ୍ଠ,
ଜ୍ଞାନର ଆଲୋକ
ଦେଇଅଛ ମୋତେ
ହେବି ନାହିଁ ପଥ ଭ୍ରଷ୍ଟ l
ଜୀବନ ମଧ୍ୟରେ
ଜ୍ଞାନର ଗାରିମା
ଗୁରୁଙ୍କ ମାର୍ଗ ଦର୍ଶନେ,
ଭଲ ମନ୍ଦ ସବୁ
ବତାଇ ଦିଅନ୍ତି
ଦେଖିଥାନ୍ତି ସୁ ନୟନେ l
ମାତା ପିତା ଆମ
ପ୍ରଥମ ଗୁରୁଟି
ଶିକ୍ଷକ ଦ୍ଵିତୀୟ ଗୁରୁ,
ଜୀବନେ ଆଦର୍ଶ
ସଂସ୍କାରିତ ଶିକ୍ଷା
ପାଇ ଥାଉଁ ଆରମ୍ଭରୁ l
ଗୁରୁଶିଷ୍ୟ ଏକ
ପବିତ୍ର ସମ୍ପର୍କ
ରହିଥିବ ଚିରଦିନ,
ଅଜ୍ଞାନରୁ ଜ୍ଞାନ
ପଥକୁ ଟାଣିବା
ଗୁରୁଙ୍କର ଅବଦାନ l
ନୂଆଁ ନୂଆଁ କଥା
ଜ୍ଞାନର ବାରତା
ଶିଖାଇଛ ଗୁରୁ ମୋତେ,
ଏ ମର୍ତ୍ତ୍ୟ ମଣ୍ଡଳେ
ବଞ୍ଚିବାର ପଥେ
ବତାଇଛ ଅବିରତେ l
ଗୁରୁ ତୁମେ ଅଟ
ଚଳନ୍ତି ଠାକୁର
ଘେନମୋର ନମସ୍କାର,
ଜ୍ଞାନର ଆଲୋକ
ସଦା ବିଞ୍ଛିଅଛ
ପ୍ରଣିପାତ ନିରନ୍ତର l