ଗୁରୁ ସାକ୍ଷାତ ପରଂବ୍ରହ୍ମ
ଗୁରୁ ସାକ୍ଷାତ ପରଂବ୍ରହ୍ମ
ଗୁରୁ ବ୍ରହ୍ମା ଗୁରୁ ବିଷ୍ଣୁ ଗୁରୁ ଦେବ ମହେଶ୍ବର
ଗୁରୁ ସାକ୍ଷାତ ପରଂବ୍ରହ୍ମ ତସ୍ମୈଶ୍ରୀ ଗୁରବେ ନମଃ
ସମର୍ପିତ ଗୁରୁ ଉଦ୍ଦେଶ୍ୟରେ
ଗୁରୁ ଦୟାବାରେ କୁସୁମିତ ହୁଏ ଶିଷ୍ୟ ଭବ ଚଲାପଥ
ମୁଁ ଅଧମ ନର କରେ ନମସ୍କାର ନମ ଗୁରୁ ବିଶ୍ବନାଥ
ଜଗତରେ ଗୁରୁ ଜ୍ଞାନ ମହାମେରୁ ଦୟା କ୍ଷମାର ସାଗର
ଜ୍ଞାନର ପ୍ରଦିପ ମୋ ମନେ ଜଳାଇ ହର ଗୁରୁ ଅନ୍ଧକାର
ନାହିଁ ଅନ୍ୟ ଗତି ଗୁରୁ ବିନା ସାଥୀ ଜଗତେ ପଡିଛି ଜଣା
ଗତି ମୁକ୍ତି ଦାତା ଭାଗ୍ୟ ବିଧାତା ବୁଝେ ଅନ୍ତର ବେଦନା
ତବ ପାଦେ ମନ ରହୁ ସଦା ଲୀନ ଭକ୍ତି ପଥେ ମୋର ମତି
ବିପଦ ଆପଦ ନାଶିବ ମୋ ଖେଦ ଘୁଞ୍ଚା ଦେବଟି ଦୁର୍ଗତି
ଗୁରୁ ପରଂବ୍ରହ୍ମ ସାକ୍ଷାତ ଇଶ୍ଵର ନ ମଣ ହେ କେବେ ନର
ଗୁରୁ ହିଁ ବ୍ରହ୍ମାଣ୍ଡ ହୃଦ ପ୍ରାଣ ପିଣ୍ଡ ଦେଖାଏ ମୁକ୍ତିର ଦ୍ବାର
ଜୀବର ସାର୍ଥକ ଭବେ ଜୀବ ରଥ ମୋକ୍ଷ ଏକା ଗୁରୁ ଜ୍ଞାନ
ଜ୍ଞାନର ପଥିକ ଶୁଦ୍ଧ ସଂଯୋଜକ କାଷ୍ଠ କୁ କରେ ଚନ୍ଦନ