Library
Profile
ସମୟ ସ୍ରୋତରେ
ସମୟ ସ୍ରୋତରେ
ସମୟ ସ୍ରୋତରେ ସର୍ବେ ଭାସମାନ
ତରଣୀ ଅବା ତରଣି
ମଣିଷ ଜୀବନ ସାଗର ସମାନ
ତରଙ୍ଗ ଉଠେ ଉଜାଣି
ଜୀବନ ରୂପକ ସାଗର ବକ୍ଷରେ
ତରଙ୍ଗ ଉଠେ ପ୍ରବଳ
ଉତ୍ତାଳ ତରଙ୍ଗ କ୍ରମଶଃ ଦୁର୍ବଳ
ସ୍ପର୍ଶ କରେ ଯେବେ କୂଳ
ସମୟ ହିଁ ସତ୍ୟ,ଶିବ ଓ ସୁନ୍ଦର
ପୁଣି ସ୍ଵତନ୍ତ୍ର ସ୍ଵାଧୀନ
ପ୍ରବାହିତ ନିରବଚ୍ଛିନ୍ନ ଗତିରେ
ସମ ଦୃଷ୍ଟି ଭାବାପର୍ଣ୍ଣ
ନିର୍ବିକାର ନିର୍ବିକଳ୍ପ ନିରଳସ
ସମୟ ସଦା ଅଦୃଶ୍ୟ
ସ୍ପର୍ଶତାରେ ଅବିରତ ଅନୁଭବ
ନିଃଶ୍ୱାସ ସହ ବିଶ୍ୱାସ
ସମୟ ସହ ଶୁଭ-ଲଗ୍ନ ଜଡ଼ିତ
ଉତ୍କଣ୍ଠା ପରିଲକ୍ଷିତ
ହୃଦୟ ମିଳନ ଅବା ସମାରୋହ
ଆଶାୟୀ ଅପେକ୍ଷାରତ
ନିର୍ଦ୍ଦିଷ୍ଟ ମୁହୂର୍ତ୍ତ ସମୟ ସାରଣୀ
ଆଗତ ଓ ଭବିଷ୍ୟତ
ଆଶା ସହ ବିଶ୍ୱାସ ନିର୍ଭରଶୀଳ
ସମୟ ସତ୍ୟ ନିଶ୍ଚିତ
ସମୟ ର ତାଳେ ତାଳେ ସମ୍ଭାବନା
ସୁନେଲି ଭାବୀ ଭବିଷ୍ୟ
ପ୍ରତୀକ୍ଷା ପରେ ଲାଳସା ଚରିତାର୍ଥ
ସୁଯୋଗ ଧାରେ ଅବଶ୍ୟ
ଦୁଃଖରେ ବିତୁଛି ଚଳନ୍ତି ସମୟ
ବିଶ୍ୱାସ ସହିତ ଆଶା
ଆସିବ ସୁଦିନ ସମୟ କ୍ରମରେ
ମନରେ ଆଶା ଭରଷା
ସନ୍ଦେହର ଅବକାଶ ନାହିଁ ମନେ
ସୁଖରେ ବିତୁଛି ସମୟ
ଚଳନ୍ତି ସମୟ ସର୍ବସ୍ବ ଭାବନା
ସବୁ କିଛି ସୁଖ
ମୟ
ଅବ୍ୟାହତ ପରିବର୍ତ୍ତନ ର ଧାରା
ସମୟର ତାଳେ ତାଳେ
ସୁଖ ଦୁଃଖ ହସ କାନ୍ଦ ଭଲ ମନ୍ଦ
ସବୁ କିଛି କାଳ ବଳେ
ଘଟଣା ଦୁର୍ଘଟଣା ସମ୍ଭାବ୍ୟ ସ୍ଥିତି
ସମୟ ସହ ଜଡିତ
ନିତ୍ୟେ ସଂଘର୍ଷ ବି ସମୟର ତାଳେ
ସୁଦିନ ପାଇଁ ଇପ୍ସିତ
ସମୟ ଦର୍ଶାଏ ସୁବିଧା ସୁଯୋଗ
ଉପଯୋଗ ବାଞ୍ଛନୀୟ
ସମୟ ଅନୁସରଣରେ ସୌଭାଗ୍ୟ
ଅବଶ୍ୟ ହୁଏ ଉଦୟ
ପ୍ରତି ମୁହୂର୍ତ୍ତ ନିହାତି ମୂଲ୍ୟବାନ
ଅବଦାନ ବି ଅନନ୍ୟ
ଜୀବନର ଆଶା,ସ୍ଵପ୍ନ ଅସମ୍ପୂର୍ଣ୍ଣ
ଯଦି ହୁଏ ପ୍ରତ୍ୟାଖ୍ୟାନ
ସମୟର ତାଳେ ତାଳେ ସଫଳତା
ସମୟ ଖେଳୁଛି ଖେଳ
ସଦ୍ୟ ବିଫଳତା ଦିଏ ଦୃଢ଼ ବାର୍ତ୍ତା
ସଂଘର୍ଷ ହେଉ ପ୍ରବଳ
ସମୟ ହିଁ ଏକମାତ୍ର ବଳବାନ
ଅସମ୍ଭବ ବି ସମ୍ଭବ
ସଦା ସଂଗ୍ରାମରେ ରତ ଯେଉଁ ଜନ
ସୁଫଳ ନିଶ୍ଚୟ ହେବ
ସାର୍ଥକ ହୁଅଇ ମଣିଷ ଜୀବନ
ସମୟ ହୋଇଲେ ଜ୍ଞାତ
ସମୟ ହିଁ ଚିରନ୍ତନ ବଳବାନ
ସର୍ବତ୍ର ପ୍ରାୟ ବିଦିତ
ଅନ୍ୟର ବିପଦ ଦୁଃଖ ସମୟରେ
ସାହାଯ୍ୟ ଭାବନା ରହୁ
ମାନବିକତାର ଭାବନା ହୃଦରେ
ସଦା ଉଜ୍ଜୀବିତ ଥାଉ
ଜୀବନ ରୂପକ ସମୁଦ୍ରେ ତରଙ୍ଗ
ଶେଷ ସୀମା ତାର କୂଳ
ତରଣୀ ତରଣି ସମୟ ସ୍ରୋତରେ
ପହଞ୍ଚିବେ ଲକ୍ଷ୍ୟ ସ୍ଥଳ
