ସ୍ମୃତି

ସ୍ମୃତି ଗୋ ତୁମେ କାହା ଭାବନାରେ 

ପୁନେଇଁ ଜହ୍ନର ରାତି 

ସ୍ମୃତି ଗୋ ତୁମେ କାହା ପାଇଁ ପୁଣି 

ସାଜ ଉଆଁସର ତିଥି 

କା ପାଇଁ ଚୋରା ପୀରତି 

ସ୍ମୃତି ଗୋ ତୁମେ ଅତୀତ ପୃଷ୍ଠାକୁ 

ଓଲଟାଉ ଥାଅ ନିତି ।

ସ୍ମୃତି ଗୋ ତୁମେ କା ପାଇଁ ଶ୍ରାବଣୀ 

ଲୁହଭିଜା ବିଛଣାରେ 

ସ୍ମୃତି ଗୋ ତୁମେ କା ପାଇଁ ବସନ୍ତ 

ସମ୍ପର୍କର ଗହଣାରେ 

କେବେ ଦୁଃଖ ଯନ୍ତ୍ରଣାରେ 

ସ୍ମୃତି ଗୋ ତୁମେ ଚିର ସହଚରୀ

ହସ ଅବା କାନ୍ଦଣାରେ ।

ସ୍ମୃତି ଗୋ ତୁମେ ପଥ ପ୍ରଦର୍ଶକ 

ଅତୀତର କଣ୍ଟାଛାଟେ 

ସ୍ମୃତି ଗୋ ତୁମେ ପରାଣ ବାନ୍ଧବୀ 

ଜୀବନ ଅମଡ଼ା ବାଟେ 

କେବେ କିଳିଲା କବାଟେ 

ସ୍ମୃତି ଗୋ ତୁମେ ନିଜକୁ ଚିହ୍ନାଅ 

ପ୍ରିୟଜନଙ୍କ ଆକଟେ ।