ସିନିହର ଛାଇ ପାଖ ମାଡ଼ିବନି ଚାଲିଗଲ ତୁମେ ଦୂରେ

ସିନିହର ଛାଇ ପାଖ ମାଡ଼ିବନି

ଚାଲିଗଲ ତୁମେ ଦୂରେ

ଲୁହ ଭିଜା ଏଇ ଆଖି ଦୁଇ ସିନା

ଅତୀତକୁ ଖାଲି ଝୁରେ 

..........ସିନିହର ଛାଇ ପାଖ ମାଡ଼ିବନି

          ଚାଲିଗଲ ତୁମେ ଦୂରେ ! ୦ !

କେତେ ଭଲ ଥିଲା ସହଜରେ ମିଶି

ବାରଆଡ଼ ବାର କଥା

ଆଜି ସେଇ କଥା ଛିଣ୍ଡା ଖିଅ ଯୋଡ଼ି

ଲାଗେ ଭାରି ମନେ ବ୍ୟଥା,

ଯିବା ଯଦି ତୁମ ଇଛା ରହିଥିଲା

ସାଥୀ ହେଲ କିଆଁ ବାରେ

..........ସିନିହର ଛାଇ ପାଖ ମାଡ଼ିବନି

          ଚାଲିଗଲ ତୁମେ ଦୂରେ ! ୧ !

ବୁଲିବାଟା ତୁମ ସଉକଟା ବୋଧେ

ମନ ଘରଯାକ ବୁଲି

ମିଛ ମାୟା କେତେ ଯୋଡ଼ିଦେଇ ସତେ

ଏମିତିକା ଗଲ ଭୁଲି,

ଭଲ ଅଛି ବୋଲି କହିଦିଅ ଏବେ

ପଦୁଟିଏ ସତ ବାରେ

..........ସିନିହର ଛାଇ ପାଖ ମାଡ଼ିବନି

          ଚାଲିଗଲ ତୁମେ ଦୂରେ ! ୨ !