ଶ୍ରୀ ବାଲ୍ମୀକି ମହର୍ଷି

ରଚେ ବାଲ୍ମୀକି ମହର୍ଷି ଶ୍ରୀରାମ ଚରିତ୍ର,

ରାମାୟଣ କଥା କ‌ହ‌ନ୍ତି ଅତି ପବିତ୍ର ।

ସର‌ଯୁ ନୀର ସେ ମଧୁର ଶୀତଳକର, 

ସୁବାସ ନିର୍ମଳ ସେ ଗମ୍ଭୀର ମନୋହର ।

ବନଜ ମଣ୍ତିତ ଶୋଭିତ ଭ୍ରମର ରାଗ ।

କମଳ କୁମଦ ବନ ଜଳପ୍ରଭା ବେଗ ।

ନଦୀ ତଟେ ଅଯୋଧ୍ୟାପୁର ଅତି ସୁନ୍ଦର ।

ତ୍ରିପୁରେ ନାହିଁ କିବା ସେ ସ୍ୱର୍ଗସୁନ୍ଦର ।

ମଣ୍ତପ‌ ସ୍ବର୍ଣ୍ଣରୂପ ବେଷ୍ଟିତ ଅଟ୍ଟାଳୀମାନେ ।

ପ୍ରାଚୀର ପ୍ରାସାଦ ପ୍ରକୋଷ୍ଠ ଦିବ୍ୟଯାନେ ।

ରଙ୍ଗ ଧବଳମୟ ଦୃଶ୍ୟ ଚିତ୍ରଣ ଶୋଭା ।

 ସିନ୍ଧୁମନ୍ଥନ କରି ଫୁଟିପଡେ କି ଅବା ।

 ସ୍ତ୍ରୀ ସଙ୍ଗେ ପୁରୁଷ କାମଦେବ ରତି ପ୍ରାୟ ।

ଆନନ୍ଦ ଭବନେ ଦେବ ବ୍ରାହ୍ମଣେ ବିନୟ ।

ଦ୍ୱିତୀୟ କୁବେର ବୀରେଶ୍ୱର ବଇଷ୍ଣବ ।

ଚରିତ୍ର ଯୁବତୀ ଚିତ୍ରିତ ଯୌବନ ନବ ।

ଅଷ୍ଟମୁନିବର ଜଣେ ଜଣେ ବୃହସ୍ପତି ।

ପାରନ୍ତି ସେ ଜିତି ଯେ ନୀତି ଭୁଷିତ କ୍ଷିତି ।

 ରାଜା ସୂର୍ଯ୍ୟବଂଶୀ କୁଳରେ ଅଟଇ ଜାତ ।

ନୃପତି ସେ ବୀର ଦଶରଥ ନାମେ ଖ୍ୟାତ ।

ସକଳ ଗୁଣେ ନିପୁଣ ରଣେ ଧ୍ରୁବଜୟୀ ।

ସମରେ ଶମନଭ୍ରାତାକୁ ଅତି ନିର୍ଭୟୀ ।

ଅସଂଖ୍ୟ ବୀର ବଳେ ମେଦିନୀ ଟଳ ଟଳ ।

ଅନେକ ଅଶ୍ୱ ରଥ ଗଜ ପଦାତି ଦଳ ।

 ରାଜା କରେ ପୂଜା ପୁତ୍ର ପ୍ରାପତ ନିମନ୍ତେ ।

ଅନେକ ବରଷ ପୂଜା କଲେ ଶୁଭ ମତେ ।

ପୁତ୍ର ନୋହିଲାରୁ ରାଜା କଲେ ବ‌ହୁ ଶୋକ ।

ପ୍ରବୋଧେ କ‌ହିଲେ ସୁମନ୍ତ୍ରମନ୍ତ୍ରୀ ଅନେକ ।

"ସୁମନ୍ତ୍ର ବୋଲେ ଶୁଣ ସନତକୁମାର ବାଣୀ ।

ବିଭାଣ୍ତକସୁତଇଷ୍ଟ‌ଯଜ୍ଞ କଲେ ପୁତ୍ର ହେବ ଅଛି ଶୁଣି ।

 ଅଙ୍ଗ ଦେଶରେ ଅନାବୃଷ୍ଟି ହୋଇଥିଲା ।

ଲୋମ‌ପାଦେ ରାଜ୍ୟେ,

ବିଭାଣ୍ତକ ସୁତ ପାଇଁ ବୃଷ୍ଟି ହୋଇଲା ।

ତେଣୁକରି ତାଙ୍କୁ, 

ଶାୟନ୍ତା କନ୍ୟାକୁ ବିଭା କରାଇଲେ ରାଜା ।

ବୋଲେ ବିଶି ଋଷ୍ୟଶୃଙ୍ଗ, 

ଏବେ ତାଙ୍କ ପୁରେ ପାଉଛନ୍ତି ପୂଜା ।"