Exclusive FREE session on RIG VEDA for you, Register now!
Exclusive FREE session on RIG VEDA for you, Register now!

gouranga charan beura

Classics


3  

gouranga charan beura

Classics


ଶ୍ରାବଣଧାରା

ଶ୍ରାବଣଧାରା

1 min 5 1 min 5


ଶ୍ରାବଣର ଧାର    ଆଶୀଷ ନିର୍ଝର

     ଦେବ ଦେବଂକ କରରୁ,

କାଉଡିଆ ସାଜି   ଭକତେ ନାଚନ୍ତି

    କାନ୍ଧେ ବହି ନୀର ସେରୁ ॥

ବରଷକେ ଥରେ   ଆସଇ ଶ୍ରାବଣ

     ବୁହାଇ ନୀର ନିର୍ଝର,

କୃଷକ ବାପୁଡା    ହରଷ ମନରେ

     ବେଉସଇ ଜମି ତାର ॥

ଶ୍ରାବଣ ଧାରାରେ   ନଦୀଏଁ ପୁରନ୍ତି

     ଉଛୁଳାଇ ନିଜ ବକ୍ଷ,

କଳ କଳ ନାଦେ  ଗିରୀବନ ପଦେ

     ଗାଇଗାଇ ମଦମକ୍ଷ ॥

ସରସୀ ତଟରେ ବେଂଗ ବେଂଗୁଲିଏ

     ବଜାଇ ଅପେରା ଭେରୀ,

ଶ୍ରାବଣ ଧାରାକୁ    ସ୍ୱାଗତ ଜଣାଇ

      ବଢାନ୍ତି ଧରିତ୍ରୀ ଶିରୀ ॥

ସବୁଜ କ୍ଷେତରେ   ହସୁଥାଏ ମହୀ

      ଶ୍ରାବଣ ମଧୁ ଛିଟାରେ,

ମୀନେ ନାଚୁଥାନ୍ତି ଆନନ୍ଦ ବ୍ୟୁହରେ

      ଜଳମୟ ଲହଡିରେ ॥

କଳା ବାଦଲର   ଲୁଚକାଳି ଖେଳ

      ଆକାଶେ ବସାଇ ହାଟ,

ଘଡଘଡି ନାଦେ   ବିଜୁଳି ପଲଦେ

      ସାଜିଥାଏ କଳାପାଟ୍ଟ ॥

ନବ ବଧୂ ମନେ    ନବ ଜାଗରଣ

      ସପନର ଗୁଂଜରଣ,

ଶ୍ରାବଣେ ଶ୍ରାବଣୀ  ଶ୍ରାବଣ ସପନେ

      ଭିଜାଏ ଅଂଗ ବସନ ॥

ଜଳଚରେ ଗାଇ   ଶୁଭ ସାହାନାଇ

      ବନ୍ଦାଇ ଧରଣୀ ପଦ,

ଆଶୀଷ ମାଗନ୍ତି   ଶ୍ରାବଣ ପୟରେ

     ବାଢି ଦୁଃଖ ପରମାଦ ॥



Rate this content
Log in

More oriya poem from gouranga charan beura

Similar oriya poem from Classics