ଫଗୁବୋଳା ଚଇତି

ଚଇତିରାଣୀର    ଚିତାପକା ଠାଣି 

   ତା ସହ ଚିବୁକେ ଫୁଲ,

ଫଗୁବୋଳା ଦେହେ  ଉଷୁମ ପୀରତି

  ସମ୍ମୋହନେ କରେ ଗେଲ ।

ବିଦାୟୀ ଫଗୁଣ   ଦେଖୁଛି ମେଲଣ

   ରାଧାକୃଷ୍ଣ ପ୍ରେମ ଲୀଳା,

ମନ ଖମାରକୁ   ପ୍ରୀତି ବୋଳା ଢାଲ

  ମଳୟେ କରେ ଚଂଚଳା ।

ମଳୟେ ମହକେ   ସାତରଂଗୀ ଫଗୁ

    ପ୍ରେମ ସାହାନାଇ ଗାଇ,

ଫଗୁବୋଳା ପ୍ରୀତି    ଗାଉଛି ଚଇତି

    କସି ଆମ୍ର କୁଂଜେ ରହି ।

କଅଁଳ ଖରାରେ    ଲ

Advertisement

ାଜବତୀ ସାଜି

     ପଳାସ ଓଢଣୀ ତଳେ,

ଘୁମୁରି ଘୁମୁରି     ପ୍ରୀତି ରାଗିଣୀରେ

    ମୁରୁକି ମୁରୁକି ଚଳେ ।

ଉଷୁମ ପୀରତି       ବୁକୁତଳ ତାତି

    ସଂଜ ଆଳତିରେ ଚାପି,

ବାଂକ ଚାହାଣୀରେ    କାମଶର ମାରି

    ବସେ ପ୍ରେମ ମାଳା ଜପି ।

ଲାଜୁଆ ଲାଜୁଆ   କେତେ ମନ କୁହା

    ଫଗୁରେ ସେ ଦିଆନିଆ,

ପ୍ରେମ ନିକେତନେ     ସପନ ଆସର

     ରଂଗ ସାଜିଥାଏ ନିଆଁ ।