ଶ୍ରାବଣ

ଆଷାଢ଼ ଶ୍ରାବଣ ବର୍ଷାର କାଳ

ଶ୍ରାବଣର ଧାରା ବର୍ଷେ ମୂଷଳ

ଚତୁର୍ଦ୍ଦିଗେ ଦେଖ ଉତ୍ତାଳ ଜଳ

ଜୀବନ ଜୀବିକା ଚଳ ଚଞ୍ଚଳ ll

କୃଷକ କରଇ ଚାଷ ଫସଲ

ଦେଖିଲେ ହରଷ ଜମିରେ ଜଳ

ସବୁଜ ରଙ୍ଗରେ ପ୍ରକୃତି କୋଳ

ସଜାଇ ଦିଏଟି କରି ମଙ୍ଗଳ ll

ଗାଆଁର ଦାଣ୍ଡରେ ପିଲାଙ୍କ ମେଳ

କାଗଜ ଡ଼ଙ୍ଗାରେ ତାଙ୍କରି ଖେଳ

ମୟୂର ନାଚଇ ଦେଖି ବାଦଲ

କଳା ବାଦଲଟି ଢାଳଇ ଜଳ ll

ଶ୍ରାବଣ ମାସରେ ତରାଟ ଫୁଲ

ଆନନ୍ଦେ ହସଇ ରଙ୍ଗ ଧବଳ

ଧବଳ ରଙ୍ଗରେ ଭସା ବାଦଲ

ପର୍ବତ ଦେଶରେ ଅଜାଡ଼େ ଜଳ ll

କାଉଡି ଭାଇର ଭାରରେ ଜଳ

ତୀର୍ଥର ସ୍ଥାନରୁ କରେ ଉତ୍ତୋଳ 

ସୋମବାର ଦିନ ଶୁଭ ସକାଳ

ଶିବଙ୍କ ମୁଣ୍ଡରେ ଢାଳେ ସେ ଜଳ ll

ଶ୍ରାବଣେ ବରଷା ନହେଲେ କାଳ

ମରୁଡି ପଡିବ ନ ପାଇ ଜଳ

ବରଷା ହୋଇଲେ ଜାଣ ପ୍ରବଳ

ବନ୍ୟାରେ ଧୋଇବ ସବୁ ଫସଲ ll