ପାପ ତାପ ହାରୀମୁକୁନ୍ଦ ବିହାରୀ

ପାପ ତାପ ହାରୀ ମୁକୁନ୍ଦ ମୁରାରୀ

    ଗୋବର୍ଦ୍ଧନ ଗିରିଧାରୀ

କରୁଛୁ ଗୁହାରୀ ଶୁଣ ଦଇତାରୀ

    ଦୁଃଖ କଷ୍ଟ ଦିଅ ହାରୀ ll

ଗୋବିନ୍ଦ ଶ୍ରୀହରି ଶଙ୍ଖଚକ୍ର ଧାରୀ

      ମଧୁସୂଦନ ମୁରାରୀ

ଦିଅ ଭକ୍ତି ଭରି ଜ୍ଞାନ ଦେଇ କରି

     କଲ୍ୟାଣ କର ସବୁରି ll

ଶ୍ରୀ ମନ୍ଦିର ର ଶିରୀ  ପ୍ରଭୁ ବଂଶୀଧାରୀ

      ଶଙ୍ଖକ୍ଷେତ୍ରେ ରହି କରି

ହେ ମଙ୍ଗଳ କାରୀ  ପତିତ ଉଦ୍ଧାରି 

      ମନୋବାଞ୍ଛା ପୂର୍ଣ୍ଣକାରୀ ll

ଭ୍ରାତା ଭଗ୍ନୀ ଧରି  କେତେ ଛନ୍ଦ କରି

      ଭକ୍ତଙ୍କୁ ଡାକୁଛ ଠାରି

କେହି ନୁହେଁ ସରି ପ୍ରଭୁ ତୁମ ପରି

    ଲୀଳାଖେଳା ମନୋହାରୀ ll

ହେ ବିଶ୍ୱ ବିହାରୀ ତୁମ ନାମ ସ୍ମରି

     ସଂସାରୁ ହୋଇବି ପାରି

ନୀଳାଦ୍ରୀ ବିହାରୀ କରୁଣାର ବାରି

     ମଥା ପରେ ପଡ଼ୁ ଝରି l