ଭକ୍ତି ମାର୍ଗର ତାଲା

ଆସନ୍ନ ସନ୍ଧ୍ୟା

ସରିଯିବ ସବୁ ମାୟା

ଜୀବନର ଅର୍ଦ୍ଧେକ କାୟା

ସରି ସରି ଆସେ ସମ୍ମୁଖେ ଛାୟା

ତଥାପି କାହିଁକି ମୋହେ ମୁଁ ବାୟା

ଖାଲି ଏକା ସାହା ମାଆ ତୋ ଦୟା ll

ପାପ ପଙ୍କେ ମୁହିଁ ଆଜି ମଳିନ

ମନ ଗହନ ରେ ଅଟେ ମୁଁ ହୀନ

କ୍ଷମତା ପିପାସୁ ଲୋଭାସକ୍ତ ଜୀବନ

ଜନ୍ମ ମୃତ୍ୟୁ ବାଡ଼ ଭିତରେ ଲୀନ

ଶୂନ୍ୟୁ ଶବ୍ଦ ଶୁଭେ ମୃତ୍ୟୁ ଆସନ୍ନ

ମାଆ ଚରଣ ରେ ହୁଅ ମଗନ ll

ଅତି ଦର୍ପ କରି ରାବଣ ମଲା

ମାନ କରି କୁରୁ ବଂଶ ବୁଡ଼ିଲା

ମହିଷାସୁର ର ଅହଂ ବଢିଲା

ମାତା ଦୂର୍ଗା ତା'ର ବକ୍ଷ ଛେଦିଲା

ଆରେ ମୂର୍ଖ ମିଥ୍ୟା ସଂସାରେ ଭଲା

ପିଇଛି କିଏ ବା ସୁଖ ପିଆଲା ll

ଆସିଛୁ ଏକା ତୁ ଯିବୁବି ଏକା

ଖୋଲା ଆସିଥିଲୁ ଯିବୁ ଵି ଖୋଲା

ପଡ଼ିଥିବ ଧନ ହେଇକି ମେଲା

ସାଥେ ଯିବ ତୋର ଧର୍ମ ଗଣ୍ଠିଲା

ଦେବୀ ପାଦ ତଳେ ହୋଇ ମତୁଆଲା

ପକା ସଦା ହୃଦେ ଭକ୍ତି ମାର୍ଗର ତାଲା ll