ଅନେକ ସ୍ମୃତି

ସୁନେଲି ଆକାଶରେ 

ଚନ୍ଦ୍ର ଯେବେ ଆସେ 

ଶୀତଳ କିରଣ ରୂପୀ 

ପ୍ରେମ ସୁଧା ବରଷେ l 

ଅନ୍ଧାରର ଦୁନିଆରେ 

ଛାଏ ଶୁଭ୍ର ଆଲୋକ 

ରାହା ପାଉ ନ ଥିବାକୁ 

ମିଳେ ନୁଆଁ ପଥର ସୁଅ l 

ସୁନେଲି ଆକାଶରେ 

ମେଘ ଯେବେ ଆସେ 

ସୂର୍ଯ୍ୟ ଲୁଚିଯାଏ ଦିନ 

ଉପରେ ଅନ୍ଧାର ବସେ l 

ସୁନ୍ଦର ଦିନଟିରେ ଭରେ 

ଅନ୍ଧାର ରୂପୀ କୋହ 

ପୃଥିବୀ ରେ ଛାଏ ବନ୍ୟା 

ଆକାଶ ଝରାଏ ଲୁହ l 

ପୃଥିବୀ ରେ କେତେବେଳେ 

ରାତି ହୁଏ ଦିନ 

ଅନେକ ସ୍ମୃତି ଭାବି 

ଦେଖେ ସୁନେଲି ସପନ l 

କେତେବେଳେ ହୁଏ ଏମିତି 

ଯେ ଦିନ ହୁଏ ରାତି 

ଲୁହ ଝରାଇ ଝରାଇ 

ଦିନ ଯାଏ ବିତି l