நூலகம்
சுயவிவரம்
ବର୍ଷା ମୁଁ
ବର୍ଷା ମୁଁ
1 min
196
ବର୍ଷା ମୁଁ.......
ଆସିଛି ଏ ଧରାକୁ
ଭିଜିବାକୁ, ଭିଜାଇବାକୁ
ଗଭୀର ଆଶ୍ଳେଷରେ
ଜଡ଼ାଇ ନେବାକୁ
ମୋ ବାହୁ ବନ୍ଧନରେ !!!
କିନ୍ତୁ, ମୌସୁମୀ
ତୁମ ବିନା ନୁହେଁ ତ ସମ୍ଭବ
ତୁମ ବିନା ମୁଁ ତ ଅପୂର୍ଣ୍ଣ!!!
କେମିତି ଭରିବି
ଧରା ର ହୃଦୟ
ଶାନ୍ତ କରି ତା'ର ତନୁମନ ?
କାହୁଁ ଦେବି ଆଶ୍ୱାସନା
ନିଦାଘର ତାତି ସହିବାକୁ??
ମୁଁ ତ ତପ୍ତ
ତୁମ ବିନା ।
ଆସୁନ କାହିଁକି ଯେ?
ତୁମ ବିନା ବର୍ଷା ନାହିଁ
ନିଦାଘର ରାଜ୍ ଏଠି
ତୃଷିତ, ବ୍ୟଥିତ ଧରଣୀ ।
ଆମେ ପରା ଅଙ୍ଗୀକାରବଦ୍ଧ
ଭୂ ରୁ ଭୁମା ଯାଏ
ପୃଥିବୀରୁ ଅନ୍ତରୀକ୍ଷ ଯାଏ
ଫେଡ଼ିବାକୁ ସବୁରି କଷ୍ଟକୁ
ଇପ୍ସାର ବଳୟ ଭିତରୁ
ନାଶିବାକୁ ଅତୃପ୍ତିର
ସୀମାହୀନ ତୃଷ୍ଣା ।
ଆସ ଏବେ,
ମୋ ଦେହପରେ
ଦୁହେଁ ମିଶି ଗଢ଼ିଦେବା
ସବୁଜ ପୃଥିବୀ
କାହିଁକି ନା!
ସହିବାକୁ ଧୈର୍ଯ୍ୟ ଆଉ
ଋଷିବାକୁ ଜମ୍ମା ବେଳ ନାହିଁ ।
