ଆସିଗଲା ଗ୍ରୀଷ୍ମ କାଳ
ଆସିଗଲା ଗ୍ରୀଷ୍ମ କାଳ
ବସନ୍ତ ପୁଲକ ହରିନେଲା ଶୀତ
ଆସିଗଲା ଗ୍ରୀଷ୍ମ କାଳ
ଆମ୍ବ ବଉଳର ବାସ୍ନା ହଜିଗଲା
ହଜିଲା ବସନ୍ତ ବେଳ ll
ପଢିଥିଲେ ପାଠ ଛଅଟି ଋତୁର
ଅନୁଭବ ହୁଏ ନାହିଁ
ପରିବେଶ ନଷ୍ଟ ଯୋଗୁଁ ଆରେ ଭାଇ
ହଜିଗଲେ ଏଠୁ କାହିଁ ll
କୋଇଲିର ସ୍ୱର ଆଉ ଶୁଭୁନାହିଁ
ହଳଦୀବସନ୍ତ ଗଲା
କୁମ୍ଭାଟୁଆ ଡାକ କୁଆଡେ ହଜିଲା
କଜଳପାତି ବି ମଲା ll
ମଣିଷ ସ୍ୱାର୍ଥରେ ବିଶ୍ୱ ନାଶ ହୁଏ
ପରିବେଶ ଅସ୍ତ ବ୍ୟସ୍ତ
ପ୍ରାଣୀଏ ମରନ୍ତି ତ୍ରାହି ତ୍ରାହି ଡାକି
ମଣିଷ କରନ୍ତି ନାଟ ll
ମୁଣ୍ଡଫଟା ଖରା ହୁଏ କେତେବେଳେ
ହୁଏ ବର୍ଷା ଅଦିନିଆ
କାଳବୈଶାଖୀ ହୁଏ ପ୍ରତିଦିନ ବନ୍ଧୁ
ବିଜୁଳି କରେ ଛାନିଆ ll
ଏସବୁ ସତର୍କ ବାର୍ତ୍ତା ଏ ପୃଥିବୀର
ବେଳୁ ହୁଅ ସାବଧାନ
ନହେଲେ ବୁଡିବ ଭେଳା ତୁମ ନିଶ୍ଚେ
ଏକଥାଟି ନୁହେଁ ଆନ ll
କଂକ୍ରିଟ ରାସ୍ତା ନବଢ଼ାଅ ବନ୍ଧୁ
ବୃକ୍ଷର କର ଯତନ
ବିଳାସ ବ୍ୟସନ ଟିକିଏ କମାଇ
ସରଳ କର ଜୀବନ ll
ନହେଲେ ଏ ବିଶ୍ୱ ହୋଇଯିବ ନଷ୍ଟ
ବଞ୍ଚିବାନି ଆମେ କେହି
ଭବିଷ୍ୟତ ପିଢ଼ି ନିନ୍ଦିବ ଆମକୁ
ନଷ୍ଟ ହେବ ଆମ ମହୀ ll