ସମ୍ପର୍କର ନଦୀ ତୀରେ

ସରସ ସୁନ୍ଦର ସରଳ ଜୀବନ

ସମ୍ପର୍କର ନଦୀ ତୀରେ

ସମ୍ପର୍କ ବିହୁନେ ଜୀବନଟି ଶୂନ୍ୟ

ଖାଲି ନିରସତା ଭରେ

ସମ୍ପର୍କ ଟି ସିନା ସୁନାବିକ,

ଜୀବନ ନଉକା ସହଜରେ ଚାଲେ

ପାଶେ ଥିଲେ ସିଏ ଠିକ ll

ସୁଖ ଦୁଃଖ ଆଉ ହର୍ଷ ଉଲ୍ଲାସରେ 

ସମ୍ପର୍କ ସାଥିରେ ଥିଲେ

ନିରନ୍ତର ମିଳେ ସେନେହ ସରାଗ

ଦୁଃଖ ଦୂର ହୁଏ ଭଲେ

ସମ୍ପର୍କଟି ସିନା ଦିଏ ବୁଦ୍ଧି

ସମ୍ପର୍କ ଅଛି ତ ସବୁ ଅଛି ପାଶେ

ସବୁ କାର୍ଯ୍ୟ ହୁଏ ସିଦ୍ଧି ll

ପିତା ମାତା ଭାଇ ଭଗିନୀ ଦୁହିତା

ଜାୟା ପତି ପୁତ୍ର ସଖା

ରୂପରେ ସମ୍ପର୍କ ସାହା ହୋଇଥାଏ

କେହି ନ ଦେଲେ ବି ଦେଖା

ସମ୍ପର୍କର ବିନା ସବୁ ନିଃଶ୍ବ

ବିଶ୍ୱାସେ ଅମୃତ ପରି ସମ୍ପର୍କଟି

ଅବିଶ୍ବାସେ ଲାଗେ ବିଷ ll