ଅମାବାସ୍ୟା

ଆଂଶୁମାନ ଅସ୍ତାଞ୍ଚଳେ ଅସ୍ତ 

ରଜନୀରାଣୀ ପ୍ରସାରେ କାଳିମା ପଣତ 

ନିଶିଚର ପ୍ରାଣୀ ପ୍ରୀତି ଆହ୍ଲାଦ ନିସ୍ବନେ

ନିଶୀଥିନି ଆଗମ ନିଶ୍ଚିତ ।

କେବେ ଜୋସ୍ନା ମଧୁଝରା 

ପୁନେଇ ଜହ୍ନରେ 

ନିଶିପୁଷ୍ପ ବାସସ୍ନାତ 

ଅମାବାସ୍ୟା କୋଳେ

ପ୍ରକୃତି ପୁରଷ ରହେ ଅଭିସାରେ ଲିପ୍ତ।

ଶ୍ରାନ୍ତ ନିଶବ୍ଦ ନିଦ୍ରିତ ନିଶିଥେ

ଅମାବାସ୍ୟା ରାତ୍ରି ବିଶେଷତ ।

ଅମାବାସ୍ୟା ରାତ୍ରି

ପ୍ରଶାନ୍ତ ପ୍ରକୃତି ସୁଷୂପ୍ତି

ନିଶାନ୍ତ ଊଷା ଆଗତେ ଜାଗେ ଉଚ୍ଚାଟନେ

ବିଲୟ ହୁଏ ଦିବସେ 

ସାଉଁଟି ପଣତ 

କହେ ମାସକରେ ଥରେ

ଆସିବି ନିଶ୍ଚିତ ।