ଲାଇବ୍ରେରୀ
ପ୍ରୋଫାଇଲ୍
ଭୋକ
ଭୋକ
ବଂଚିବା ପାଇଁ କି ଆହାର ଜରୁରୀ
ପେଟ ଜଳଇ ଭୋକରେ
ଖାଦ୍ୟ ନ ମିଳିଲେ ପେଟର ବିକଳ
ଜଳୁ ଥାଏ ଯନ୍ତ୍ରଣାରେ l1l
କିଏ ଭୋଗ କରେ ଛପନ ଆହାର
ରାଜ ଉଆସରେ ଥାଇ
କାହା ପେଟ ଜଳେ ମୁଠେ ଅନ୍ନ ପାଇଁ
ଭଙ୍ଗା କୁଡ଼ିଆରେ ରହି l2l
କାହାର ଭୋକ ତ ଧନ ଦଉଲତ
ସମ୍ପତି ବଢିବା ପାଇଁ
କାହାର ଭୋକ ତ ରାଜ ନେତା ହୋଇ
ଶାସନ କରିବା ପାଇଁ l3l
କାହାର ଭୋକ ତ ଅଫିସର ହୋଇ
ବସିବାକୁ ଉଚ୍ଚାସନ
କାହାର ଭୋକ ତ ଚାଖଣ୍ଡେ କନାରେ
ଲଜ୍ଜା ଢାଙ୍କିବାରେ ମନ l4l
ଛୋଟ ପିଲାଙ୍କୁତ ଭୋକ ହେଉଥିଲେ
ମାଆ ମାଆ ଡାକ ଦିଏ
ମା'ର ଶରଦ୍ଧା ଅନ୍ନ ଯେ ପରସା
ପିଲା ତୃପ୍ତି ହୋଇ ଯାଏ l5l
ଯଉବନ ଭୋକ ମନ ଗହନର
ଦେହ ମନ ଜାଳି ଦିଏ
ପ୍ରେମର ପ୍ରଣୟ ପ୍ରତାରଣା ହେଲେ
କାନ୍ଦୁ କାନ୍ଦୁ ଦିନ ଯାଏ l6l
କାହାର ଭୋକ ଯେ ଭକ୍ତି ଉପାସନା
ଦେଖିବାକୁ ପରମ ବ୍ରହ୍ମ
ବର୍ଷ ବର୍ଷ ଧରି ତପସ୍ୟା କରନ୍ତି
ଉଚ୍ଚାରଣ ହରି ନାମ l7l
କେଉଁ ଭକ୍ତ ଗଣେ ଅଭଡ଼ା ଭୁଞ୍ଜଇ
ଟଙ୍କ ତୋରାଣିରେ ମନ
ସଭିଙ୍କର ଭୋକ ଭିନ୍ନ ଭିନ୍ନ ଥାଏ
ମନ ହୁଏ ଉଚ୍ଚାଟନ l 8l
