Library
ନାୟିକା
ନାୟିକା
ଭଲ ପାଏ ତୋତେ ହୃଦୟରୁ ମୋର
ଭୁଲି ମୁଁ ପାରୁନି ସାଥି
ଯୁଆଡେ ଗଲେ ବି ତୋହରି ଚେହେରା
ନାଚୁ ଥାଏ ମୋର ଆଖି ।
ମନକୁ ମୋହର ଚୋରି କରି ନେଲୁ
ତୋତେରେ ଖୋଜୁଛି ମୁଁ
ହୃଦୟରୁ ତୋତେ ପାଉଅଛି ଭଲ
କୋଉଠି ଅଛୁରେ ତୁ ।
ତୋ ବିନା ଭଲ ଲାଗୁନିରେ କିଛି
ନିଜଠୁ ବେଶୀ ମୁଁ ତୋତେରେ ଚାହୁଁଛି
ତୁ ମୋ ମନ ନାୟିକା
ସାଜିଲୁ ମୋର ପ୍ରେମିକା ।
ମେଘ ଆସିଗଲେ ମନେ ପଡୁ ବେଶୀ
ବରଷାରେ ଭିଜୁ ଥିଲେ
କାଗଜର ଡଙ୍ଗା ତିଆରି କରିଣ
ପାଣିରେ ଭସାଉ ଥିଲେ ।
ଉଡାଉଣ ଥିଲେ ଆକାଶରେ ଗୁଡି
ନଟେଇ ହାତରେ ଧରି
ଫଗୁଣରେ ଫଗୁ ହୋଲି ଖେଳୁଥିଲେ
ରଙ୍ଗ ପିଚିକାରୀ ମାରି ।
ପବନ ସାଥିରେ ତୋ କାନି ଉଡେରେ
ଧରିବାକୁ ଯେବେ ବଢାଏ ହାତରେ
ଧାଇଁ ଲୁଚୁ ଥିଲୁ ଏକା
ସାଜି ମୋ ମନ ନାୟିକା ।
ଚାନ୍ଦିନୀ ରାତିରେ ଜହ୍ନ ଜୋଛନାରେ
ରାତି ଆମ ବିତୁ ଥାଏ
ବାଲୁକା ଶଯ୍ୟାରେ ଘର ତୋଳି ଦେଇ
ତୋ କୋଳରେ ଶୋଇ ଯାଏ ।
ଆଖି ଟିକେ ଯେବେ ଲାଗି ଯାଏ ମୋର
ଚମକି ମୁଁ ଉଠି ଯାଏ
ତୋତେ ଦେଖି ଦେଲେ ସବୁ ଭୁଲି ପ୍ରିୟା
ତୋ ପ୍ରେମେ ପାଗଳ ହୁଏ ।
ଚୋରା ଚୋରା ତୋର ଆଖିର ଚାହାଣୀ
ଗଢି ଥିଲା ପ୍ରିୟା ମୋ ପ୍ରେମ କାହାଣୀ
କାହିଁକି ଦେଲୁ ତୁ ଧୋକା
ସାଜିରେ ମୋର ନାୟିକା ।
ରୁଣୁଝୁଣୁ ବାଜେ ତୋ ହାତର ଚୁଡି
ମନ ମୋ ହଜେଇ ଦିଏ
କାନର ଝୁମୁକା କରେ ଆନମନା
ନିଦ ମୋ ଚୋରାଇ ନିଏ ।
ଛମ୍ ଛମ୍ ତୋର ପାଉଁଜିର ସୁର
ଟାଣି ନିଏ ପାଖେ ତୋର
ଜାଣି ମୁଁ ପାରେନି କେମିତି କେଜାଣି
ବିତି ଯାଏ ଦିନ ମୋର ।
ତୋ ଠାରୁ ଦୂରେଇ ରହି ମୁଁ ପାରୁନି
ସତ କହେ ପ୍ରିୟା ବଞ୍ଚି ପାରିବିନି
ଲାଗେ ଭାରି ଆଜି ଏକା
ତୁ ମୋ ମନ ନାୟିକା ।
କଥାରୁ ତୋହର ଝରୁଥାଏ ମହୁ
ଦୁଃଖ ମୋ ଭୁଲାଇ ଦିଏ
ଜୀବନ ଯନ୍ତ୍ରଣା ହଜେ ଆଖି ଯେବେ
ତୋ ଆଖିରେ ମିଶି ଯାଏ ।
ଭାରି ଭଲ ଲାଗେ ତୋ ଫୁଲ ଗଜରା
ତୋ ଓଠର ମିଠା ହସ
ଅସୁମାରୀ ସ୍ୱପ୍ନ ଜୀବନେ ଆଣିଣ
ମନେ ଭରୁ ଅବଶୋଷ ।
କାହିଁକି ସାଥିରେ ମୋ ସାଥେ ଖେଳୁଛୁ
ମୋତେରେ ଜଳେଇ କି ଲାଭ ପାଉଛୁ
ଅଛୁ ହୃଦୟ ଇଲାକା
ତୁ ମୋ ମନ ନାୟିକା ।
