ଧନ ଓ ଧର୍ମ

     ଆରେ ଆରେ ନର ସମ୍ପାଦନ କର 

        ସାଧ୍ଯ ମତେ ପୁଣ୍ଯ କର୍ମ,

     ତ୍ୟାଗପୂତ କର୍ମ କରରେ ମାନବ

         ବିକଶିତ କର ପ୍ରେମ l

     ଆମେ ତୁମେ କାହିଁ ଗର୍ବ କରୁଅଛ

         ମରୀଚିକା ଧନ ପାଇଁ, 

      ମନେ ରଖିଥାଅ ଅସ୍ଥାୟୀ ଏସବୁ

         ଗପ କହୁନାହିଁ ମୁହିଁ l 

     ବୈରାଗ୍ୟ ନୁହଁଇ ଧନ ପରିବାର

        ଛାଡି ଶ୍ମଶାନକୁ ଯିବା, 

     ପ୍ରକୃତି ବୈରାଗ୍ୟ ସବୁ ଦୁର୍ଗୁଣକୁ

        ପରିତ୍ୟାଗ କରିଦେବା ।

     ଦୟାଶୀଳ ହୋଇ କରିବା କର୍ମ

        ପରୋପକାରୀଟେ ସାଜି, 

      ଚରିତ୍ର ଗଢ଼ିବା ସ୍ଵଚ୍ଛ ଓ ପବିତ୍ର

        କୁକର୍ମେ ନ ଯିବା ମଜ୍ଜି l

     ଆହରଣ କରିବା ଉତ୍ତମ ବଚନ

        ନିଃସୃତ ଅନ୍ତର ମଧ୍ୟୁ, 

    ଅପର ପକ୍ଷରେ ଦେବା ନାହିଁ କାନ

        ମନ୍ଦକଥା ଶୁଣିବାକୁ l 

     ଏହିପରି ଆମେ ଗଢ଼ିବା ନିଜକୁ 

      ହୋଇ ଦିବ୍ୟତ୍ୱ ହୃଦବୋଧ, 

    ଅର୍ଜିବା ଯେତେ ସବୁ ସତ୍-ଜ୍ଞାନ

     ଜୀବନେ କରିବା ଉପଯୋଗ l 

     ମଣିଷ ଜନମ ପାଇଛନ୍ତି ସଭିଏଁ 

       ଏହା ନୁହଁ ଛୋଟ କଥା, 

     ନିଜ ନିଜ କର୍ମ କରିବା ଆମେ 

       ଦୂର କରିବା ପର ବ୍ୟଥା l 

     ଜୀବ ଚାଲିଯିବ କେଉଁ ମୁହୂର୍ତ୍ତରେ 

       ନ ଜାଣେ କେ ଏହି କଥା, 

      ରହିଥିବ ଖାଲି ସୁକର୍ମ ଆମର 

         ନୂଆଁଇବ ପର ମଥା l 

    ଆସୁରିକ ବୃତ୍ତି ଅଛି ଯେତେ ଗୋଟି 

       ସେ ସବୁ କରିବା ଦମନ, 

      ଧର୍ମ ପଥକୁ ଅଙ୍ଗୀକାର କରି 

       ଯାପନ କରିବା ଜୀବନ l 

      ମଣିଷ ଜନ୍ମ ସାର୍ଥକତା ପାଇଁ 

        କରିବା ସଭିଏଁ ସୁକର୍ମ, 

    ଶରୀର ମାଟିରେ ମିଶିଲେ ବି ସୁଦ୍ଧା

        ରହିଥିବ ଆମ୍ଭ ଧର୍ମ l