ଲାଇବ୍ରେରୀ
ପ୍ରୋଫାଇଲ୍
ବାପା ଏବେ ଛୋଟ ପିଲା
ବାପା ଏବେ ଛୋଟ ପିଲା
ସାଠିଏ ଠିକ୍ ଥିଲା
ସତୁରି ପୁରିଲା
ବାପା ଏବେ ଛୋଟ ପିଲା
ଭାଙ୍ଗି ଦେଲା କିଏ
କଣ୍ଢେଇ ଘର
ଅଝଟ ଶିଶୁ ଟେ ପରି
ଭୋ ଭୋ କାନ୍ଦୁ ଥିଲେ
ବଉ ଯେଉଁ ଦିନ ଗଲା
ବାପା ଏବେ ଛୋଟ ପିଲା ।।
ଛତିଶ ସାଇଜ ପେଣ୍ଟ
ଡ଼ଵଲ ଏକ୍ସେଲ ସାର୍ଟ
ଆଲଣା ରେ ଅଲନ୍ଦୁ ଲାଗୁଛି
ଆଜି ସେ ଅଲୋଡ଼ା
ଆଇରନ ଭାଂଗ ଲିଭିଗଲା
ବାପା ଏବେ ଛୋଟ ପିଲା ।।
ଚଟାଣ ପରି ଛାତି
ଯେଉଁଠି ବର୍ଷା ଖରା ତାତି
ଦୁଃଖ ଯନ୍ତ୍ରଣା ର ରାତି
ହୁଏ ଚୁରମାର
କାଚ ଖଣ୍ଡ ପରି
ଅଚଳ ମହାମେରୁ ଚାଲେ
ଆଜି କହା ହାତ ଧରି
ବାହୁଡା ବସନ୍ତ ପରେ
ଶାଳ ଗଛୁ ପତ୍ର ଝଡି ଗଲା
ବାପା ଏଵେ ଛୋଟ ପିଲା ।।
କାହାକୁ ସେ ହେଉଛନ୍ତି ଝୁରି
ଏ ଟି ଏମ ପିନ କୋଡ଼
ଦିନ ବାର ସଂଜ କି ଦି ପହର
ସବୁ ଗଲେଣି ପାସୋରି
ଵୟସ ର ବତାସ ରେ
ବର ଗଛ ଵାହୁ ଭାଂଗି ଗଲା
ବାପା ଏବେ ଛୋଟ ପିଲା ।
ନିଦ ଏବେ ନଇଁ ପଡି
ଅଣ୍ଡାଳୁଛି ବିଛଣା ଚାଦର
କେତେବେଳେ ପଡୁଛନ୍ତି ଶୋଇ
କେବେ ରାତି ଉଜାଗର
କାହାସହ ହୁଅନ୍ତି ସେ କଥା
ଅସ୍ଫଷ୍ଟ ସେ ସ୍ୱର
ଦୁଆର ଆଉଜା
ଝରକା ଟା ଖୋଲା
ଵାପା ଏବେ ଛୋଟ ପିଲା ।।
ଏ ଘର ମନ୍ଦିର
ଦେବତା ସେ
ଯହିଁ ବୋଉ ବାଡେ
ନିତି ଭୋଗ ଡାଲା
ଦାରୁବ୍ରହ୍ମ ଆଜି ବାଳକୃଷ୍ଣ
ବାପା ଏଵେ ଛୋଟ ପିଲା
