Library
ନୂଆ ବର୍ଷ
ନୂଆ ବର୍ଷ
ମଧ୍ୟ ରାତ୍ରି ଜନ୍ମ କରେ ନୂଆ ବର୍ଷ
୧୯୪୭ ବର୍ଷ ପରି
ଜୁଡୁବୁଡୁ ହୋଇ ରକ୍ତ ଆଉ ଲୁହ
କିଏ ତାକୁ ମନେ ରଖେ ଯେ ?
କାଳେ ଥିଲା ତାର
ଜନ୍ମ ଜାତକ ଦୋଷ ।
ଏବେତ ପୁରାତନ ବର୍ଷ ମାନଙ୍କ
ପ୍ରେମ ରେ ପଡ଼ିଚି ଦେଶ
ଇତିହାସ ର ପୃଷ୍ଠା ଉଖାରି ଉଖାରି
ଖ୍ରୀଷ୍ଟାବ୍ଦ ରୁ ଖ୍ରୀଷ୍ଟପୂର୍ବ ଯୁଗ ରୁ ଯୁଗ
ତ୍ରେତୟା ର ଅନ୍ତୁଡିଶାଳ ତାର ଜନ୍ମ ଜାତକ
ନୂତନ ବର୍ଷ କୁ କେମିତି କରିବା ସୁରକ୍ଷିତ
ପ୍ରସ୍ତୁତ ହେବ ଏଜେଣ୍ଡା ଇସ୍ତାହାର
ନବ ବର୍ଷ ର ଉପହାର ।।
ପୁରୁଣା ବର୍ଷ ର ପ୍ରେତଆତ୍ମା ପହରା ମାରୁଚି
ଧାରା ୩୭୦ ଉଛେଦ ପରେ
ଵେଲୁଚିସ୍ତାନ ଗିଲଗିଟ ପି ଓ କେ ରେ
ଅତୀତ କୁ ଉଲଗ୍ନ କରି ତା ଦେହରୁ
ଖୋଜୁଚେ ଆମେ କଂଳକିତ ଅଧ୍ୟାୟ
ନୂଆ ବର୍ଷ ପାଳନ କରିବା ର ଶ୍ରେଷ୍ଠ ଉପାୟ
ନୂଆ ବର୍ଷ କୁ କିଏ ଦେଖେଇ ବ ବାଟ ?
ଧର୍ମ ନାଁ ରେ ଜାତି ନାଁ ରେ
ଯେତେ ଘୃଣା ର ପୁରୁଣା ଘା ରୁ
ନିଗିଡି ପଡୁଚି ଉଷୁମ ରାଜନୀତି ର ରକ୍ତ
ପୁରୁଣା ର ବର୍ଷ ର ବାୟୋନେଟ ରେ
ଝୁଲୁଚି ଆଜି ବି
ଧର୍ଷିତ ଗାଜାପଟି ର ଛାତି
ଇଉକ୍ରେନ ମାଟି ରେ ଵୋମା ର
ବିକଳାଙ୍ଗ ଵିବସତାର ତାଣ୍ଡବ
ସୁପର ପାୱାର ମାନଙ୍କ ମାନସିକ ବିକୃତି ।
ମଣିପୁର ଉଲଗ୍ନ ରାସ୍ତା
କରେ ଆକୁଳ ମିନତି ଆଉ
ଆମ ନେତା ମାନଙ୍କ ର ନାଟକୀୟ
ସଂଳାପ କଣ ଲୁଚାଇ ପାରେ ଲଜ୍ଜା ତାର
ଯାହା ମାଗଣା ମିଳୁଥିବା ଚାଉଳ ଠୁଁ ଵି ଶସ୍ତା ।
ତେଣେ ଜିରୋ ନାଇଟର ଭୂତକୁ ଅଂଧାର କଣା
ଝୁଣ୍ଟି ପଡେ ବାରମ୍ବାର
କାହା ର କୋଳରେ
କାହା ର ଵାହୁରେ
କାହାର କଅଁଳ ଛାତି ରେ
ନୂଆ ବର୍ଷ ନାଚୁଥାଏ ଉଲଂଘ
ହୋଇ ବାଟ ଵଣା ।।
ନୂଆ ବର୍ଷ ଫୁଟେଇ ପାରିବ କି ?
ସ୍ୱାଭିମାନ ର ଵାରୁଦ ଗଦାରେ ସମୃଦ୍ଧିର ଫୁଲ
ମରଣ ମୁହାଁ ମହୁଲି ଭାଟିରେ
ଟିକେ ଗଂଗା ଜଳ
ଦାଦନ କୁ ତା ମା ମାଟି ର କୋଳ
ନା ଭୁଲି ଯିବା ପୁଣି
ଭୋଟ ର ଭଉଁରି ଭିତରେ
ଭେଳିକି ଦେଖେଇ ଵେ
ସେମାନେ ସଂଖ୍ୟାର ଖେଳ ।
