୭.୮ ତୀବ୍ରତା
୭.୮ ତୀବ୍ରତା
ଫେବୃଆରୀ ୬ ତାରିଖ ତୁର୍କୀ ସିରିୟା ରେ ଭୟଙ୍କର
ଭୂମିକମ୍ପ ରେ ନିହତ ଆହାତ ଙ୍କୁ ସମର୍ପିତ ।
ସେଇ କୁନି ଝିଅ ଟି (ମରିୟମ ) ସାନଭାଇ (ଇଲାଫ୍ )
ମୁଣ୍ଡରେ ହାତ ଦେଇ ସୁରକ୍ଷା ଦେବାର ହୃଦୟ ଵିଦାରକ ଦୃଶ୍ୟ ।
ଵେଶ ଅଝଟ ହୋଇଥିଲୁ ସେଦିନ । ଇଲାଫ୍ ।
ଵେସନୟା ବିସନେହ ( ସିରିୟା ର ଏକ ଗାଁ )
ସେତେବେଳେ ଗୋଧୂଳି ର
ଅସ୍ତରାଗ ପୋଛି ଦେଇ
ଅନ୍ଧାର ଆସୁଥାଏ ମାଡ଼ି
ପଥୁରିଆ ଟାଙ୍ଗରା ଛାତି ରେ
ପାଦ କୁ କଚାଡି
ଧୂଳି ଧୂସର ଅଵୋଧ ସହୋଦର ଦେହ କୁ
ଦେଇଥିଲୁ ଝାଡି
ଉତ୍ତର ତୁର୍କୀ ତନୁ ରେ
ତରଙ୍ଗିତ ଶୀତ ର ଲହରୀ ।
ମୃତ୍ୟୁ ଜଗି ଵସିଥିଲା
ମାଟି ର ଆଁ ରେ
କିଏ ଦୋହଲାଇ ଦେଲା ତାର ଛାତି
ଶୋଇପଡିଥିଲା ନିଝୁମ ନିଦରେ ସହର
ଭାଙ୍ଗି ଗଲା ସ୍ୱପ୍ନ
ଧ୍ୱଂସ ସ୍ତୁପ ରେ ଭାରି ପାଦ ଚିହ୍ନ ।
ତୋ ମୁଣ୍ଡ ଉପରେ ଭଗ୍ନାବଶେଷ
ଗିରି ଗୋବର୍ଦ୍ଧନ ପରି ତାର ଦୃଶ୍ୟ
କୋଳରେ ତୋର କୋମଳ ଶିଶୁ
ମ୍ୟାରି ଙ୍କ କୋଳରେ ଯେମିତି ଯୀଶୁ ।
ସମ୍ମୁଖେ ଦେଖି ଲୁ
ମୃତ୍ୟୁ ରୂପ କେତେ କରାଳ
ଭଗିନୀ ହୋଇ ତୁ ଦେଲୁ
ମା ର କୋଳ
ଜଗତ ଦେଖିଲା ତୋର ସାହସ
ମାତୃ ଶକ୍ତି ଯେଣୁ ଚିର ନମସ୍ୟ