ଶକ୍ତି ସ୍ଵରୂପା ମାଆ

ମାଆ ତୁମରି କୃପାରେ ଚାଲୁଛି

  ଏହି ବିଶାଳ ସଂସାର

ଦିନ ରାତି ହୁଏ ଆତଯାତ

  ରୋଗ ଦୁଃଖ ହୋଇ ଯାଏ ଦୂର ।

ତୁମେ ସ୍ନେହମୟୀ ମମତମୟୀ

   ମଙ୍ଗଳଦାୟିନୀ ତୁମେ

 ଭକ୍ତ ଦେଖିଲେ ହୋଇଯାଏ ଖୁସି

    ଆବିର୍ଭାବ ହୁଅ ଯେବେ ଧାମେ ।

ଗାଁ ରୁ ସହର ଉତ୍ସବ ମୁଖର

    ଖୁସି ଆଉ ଆନନ୍ଦ ଥାଏ ମନରେ

 ସବୁ କର୍ମଚାରୀ ପାଇଥା'ନ୍ତି ଛୁଟି

     ଗାଁ କୁ ଯାଇଥାନ୍ତି ବୁଲି ଦଶହରାରେ ।

ଆଶ୍ଵିନ ମାସ ଶରତ ଋତୁ

      ଶୁକ୍ଳପକ୍ଷ ସପ୍ତମୀଠାରୁ

ଚାରିଆଡ଼ ଦୁର୍ଗାପୂଜା ହୁଏ

      ଭକ୍ତ ଛୁଟିଥା'ନ୍ତି ସୁଦୂରରୁ ।

ପୁରାଣରେ ବର୍ଣ୍ଣିତ ଅଛି

     ପ୍ରଭୁ ରାମଚନ୍ଦ୍ର ଦିନେ

ରାବଣ ବଧ ପୂର୍ବରୁ ଦୁର୍ଗାଙ୍କୁ

     ପୂଜିଥିଲେ ଭକ୍ତି ମନେ ।

ସେହିଦିନଠାରୁ ପ୍ରତି ସ୍ଥାନେ

    ଦୁର୍ଗାପୂଜା ହୁଅଇ ପାଳିତ

 ତୋରଣ ଓ ସାଜସଜ୍ଜା ଦେଖି

      ଭକ୍ତ ମନ ହୁଏ ପ୍ରଫୁଲ୍ଲିତ ।

ଚାଲ ଦଶହରାରେ ଟିକେ ବୁଲି ଯିବା

      ଦୁର୍ଗାପୂଜା ମେଢ଼ ଦେଖି

ଦୁର୍ଗାପୂଜା ପରେ ରାବଣପୋଡ଼ିର

      ଦୃଶ୍ୟେ ମନ ଯାଏ ଲାଖି ।