ଲାଇବ୍ରେରୀ
ପ୍ରୋଫାଇଲ୍
ଶୀତ ସକାଳେ..
ଶୀତ ସକାଳେ..
1 min
368
ମା କୋଳେ ଶୋଇଥିବା ଶିଶୁପରି
ନିରୀହ ଚାହାଣୀରେ ଦୁନିଆ ଦେଖୁ ଦେଖୁ
ମିଛିମିଛିକା ଆଖିଖୋଲି ଅଳସି ଜାଣି ଶୁଣି
ପୁଣି ଥରେ ଆଖି ବନ୍ଦ କରିଦିଏ
ଆଉ
ଚାରିଆଡ଼େ ପତଳା ଧୂଆଁ ଦେଖି
ବହଳ ଅନ୍ଧାର ଚିରି ଆସୁଥିବା ସୂର୍ଯ୍ୟାଲୋକ
ମେଘ ଉହାଡରେ ଅଜାଣତରେ ପୁଣି ଥରେ
ଆଖି ବୁଜି ଲୁଚିଯିବାକୁ ଚାହେଁ
କିନ୍ତୁ
କର୍ତ୍ତବ୍ୟ ଛାଡେନା କାହାକୁ
ଉଠିବାକୁ ତ ହେବ..ଚାଲିବାକୁ ବି ପଡିବ
ବୟସ ହେଉ କି ପେଟର ଭୋକ
ଦେହର ଶୀତ ..କି ମନର ଶୋକ
କାରଣ
ସକାଳ ହେଉ କି ସଂଜ ହେଉ
ଦେଶ ହେଉ କି ପରଦେଶ ହେଉ
ତା ଛୁଆଁ ଶିହରାଇ ଦେଇଯାଏ
ସେ କିନ୍ତୁ ତା ବାଟରେ ଚାଲିଯାଏ
