Become a PUBLISHED AUTHOR at just 1999/- INR!! Limited Period Offer
Become a PUBLISHED AUTHOR at just 1999/- INR!! Limited Period Offer

sasmita tripathy

Abstract Classics Fantasy

4.0  

sasmita tripathy

Abstract Classics Fantasy

ଶୀତ ସକାଳ

ଶୀତ ସକାଳ

1 min
154



ପଉଷ ମାସ ରେ ପସରା ସଜାଇ

ମର୍ତ୍ତ କୁ ଓହ୍ଲାଏ ଶୀତ

ପୁର ପଲ୍ଲୀ ଗ୍ରାମ ଚାଷୀ କୁଳ ପ୍ରାଣ

 ଆନନ୍ଦରେ ଗାଏ ଗୀତ ।


ଶୀତ ଋତୁ ଦିନ ହୋଇଥାଏ ଛୋଟ

 ବଡ ଯେଣୁ ହୁଏ ରାତି

 ସୂର୍ଯ୍ୟୋଦୟ ପୁଣି ହୁଏ ବିଳମ୍ବରେ

 କୁହୁଡି କାକର ଅତି ।


 ଦୂର ଦିଗବଳୟ ଦିଶେ ଧୂମ୍ରବର୍ଣ୍ଣ

ପାଣ୍ଡୁରଶ୍ରୀ ବୃକ୍ଷଲତା

ଶିଶିର ଲାଗଇ ଦୁର୍ବାଦଳ ମଧ୍ୟେ

ଇନ୍ଦ୍ରନୀଳ ବକ୍ଷେ ମୁକ୍ତା ।


ପଲ୍ଲୀ ଦାଣ୍ଡେ ଦାଣ୍ଡେ ବାଳ ସୂର୍ଯ୍ୟଙ୍କର

କଅଁଳ କିରଣ ପାଇଁ

ଶିଶୁ ବୃଦ୍ଧ ବୃଦ୍ଧା ଯୁବକ ଯୁବତୀ

ସମସ୍ତେ ଏକତ୍ର ହୋଇ ।


ଶୀତ ର ଦାଉରୁ ସୁରକ୍ଷା ପାଇଁ କି

ଜାଗା ଜାଗା ଧୂନି ଜାଳି

ପଲ୍ଲୀଗ୍ରାମ ବାସୀ ନିଆଁ ପୋଉଁ ଥାନ୍ତି

 ଖୁସି ର ଅବିର ବୋଳି ।


ପଲ୍ଲୀ ପ୍ରାଣ ଧନ କୃଷକ ପ୍ରତ୍ୟୁଷୁ 

ଉଠି ଧାନ ବିଲେ ଯାଏ 

ଶୀତ କାକର କୁ ଖାତିରି ନକରି

 କ୍ଷେତ କାର୍ଯ୍ୟେ ମନ ଦିଏ ।


ସୂର୍ଯ୍ୟମୁଖୀ ଆଉ ସୋରିଷ ର କ୍ଷେତ

ରବି ରଶ୍ମି ପରଶ ରେ

ସ୍ନିଗ୍ଧ ସୁମଞ୍ଜୁଳ ମନୋମୁଗ୍ଧକର

ଭ୍ରମରେ ଆକୃଷ୍ଟ କରେ।


ମଙ୍ଗଳ ଆରତି ଘଣ୍ଟ ଘଣ୍ଟା ଧ୍ୱନି

ପ୍ରାଣେ ପବିତ୍ରତା ଭରେ

ଧର୍ମ ପ୍ରାଣା ବୃଦ୍ଧା ଧର୍ମତ୍ମା ପୁରୁଷ

 ଯାନ୍ତି ଦେବ ଦର୍ଶନରେ ।


ସହରୀ ଜୀବନେ ଶୀତ ସକାଳର 

 ମହତ୍ତ୍ୱ ନଥାଏ ସେତେ

ଶୀତ ର ସାରଲ୍ୟ ସନ୍ତର୍ପଣ ଭାଵ

 ଭାରି ଭଲ ଲାଗେ ମୋତେ ।





  



Rate this content
Log in