STORYMIRROR

Agni kumar Sahu

Abstract Others

3  

Agni kumar Sahu

Abstract Others

ରଙ୍ଗର ପର୍ବ ହୋଲି

ରଙ୍ଗର ପର୍ବ ହୋଲି

1 min
226



ଜୟ ଗୋପୀନାଥ ଜଗତହିତ

ତୁମ୍ଭ ପାଇଁ ହୁଏ ଏ ଦୋଳଯାତ

ଫାଲଗୁନ ପୂର୍ଣ୍ଣିମା ଦୋଳଯାତରା

ଦୋଳପୂର୍ଣ୍ଣିମା ବି କହନ୍ତି ପରା ଯେ

      ବସନ୍ତ ରାହାସ ପର୍ବ

ରାଧାକୃଷ୍ଣଙ୍କର ଅମର ପ୍ରେମର

     ସ୍ମୃତି ଚାରଣ ପରବ । ୧ ।

ଗୋପପୁରେ ନନ୍ଦ ପରବ କରି

ଉତ୍ସବ ମନାନ୍ତି ଅବିର ଖେଳି

ରାଧାକୃଷ୍ଣଙ୍କର ଦୋଳ ମଣ୍ଡନ

ଦୋଳି ମଞ୍ଚାଳନ୍ତି ଗୋପିକା ଗଣ ଯେ

     କୃଷ୍ଣ ମନ୍ଦେ ମନ୍ଦେ ହସି

ରାଧିକା ସଙ୍ଗତେ ଦୋଳିରେ ବସିଣ

     ଶ୍ରୀକୃଷ୍ଣ କରନ୍ତି କେଳି ଯେ । । ୨ ।

ବାରମାସେ ବାର ପୂର୍ଣ୍ଣିମା ହୁଏ

ଫାଲଗୁନ ପୂର୍ଣ୍ଣିମା ତହୁଁ ଗୋଟିଏ

ବସନ୍ତ ରାହାସ ପଡେ ଏ ଦିନ

କଦମ୍ବ ତରୁଠୁ କୁଞ୍ଜକାନନ ଯେ

     ଗୋପରେ ପଡଇ ହୁରି

ଗୋପଗୋପାଳୁଣୀ କୃଷ୍ଣ ପ୍ରେମେବାଇ

     ହାତରେ ଅବିର ଧରି ଯେ । ୩ ।

ଶ୍ରୀ କୃଷ୍ଣଲୀଳାମୃତ ଅପୂର୍ବ ଗାଥା

ଗୋପ ତରୁଣୀ ଏ ହୋଇଣ କଥା

ଠରାଠୁରୀ ହୋଇ ସାଙ୍ଗ ଗହଣେ

ହରଷେ ଯାଆ

ନ୍ତି କୁଞ୍ଜକାନନେ ଯେ

   କଦମ୍ବ ତରୁ ସଦନେ

ତରୁ ତୃଣ ଲତା ରହିଛନ୍ତି ଚାହିଁ

   ଶ୍ରୀକୃଷ୍ଣଙ୍କ ଆଗମନେ ଯେ । ୪ ।

ରଙ୍ଗର ପର୍ବଟି ଅଟଇ ହୋଲି

ଅବିରକୁ ଘେନି ଗୋପଛଇଲି

ରାଧା ମାଧବଙ୍କୁ ଦୋଳିମଣ୍ଡଣି

କରି ଝୁଲାଇବେ ଗୋପ କାମିନୀ ଯେ

     କୃଷ୍ଣ ପ୍ରେମେ ହୋଇବାଇ

ଅବିରର ରଙ୍ଗେ ରଙ୍ଗାୟିତ ହେବେ

    ପ୍ରେମେ ମତୁଆଲା ହୋଇ ଯେ । ୫ ।

ଦୋଳଯାନେ ଶୋଭା ଦୋଳ ଗୋବିନ୍ଦ

ଗୋପପୁରେ ଆଜି ପୂର୍ଣ୍ଣିମା ଚାନ୍ଦ

ଘରେ ଘରେ ପୁରେ ପରବ ପାଲି

ମନର ଆନନ୍ଦେ କରନ୍ତି କେଳି ଯେ

    ଦଧିହାଣ୍ଡିକୁ ଭଞ୍ଜନ

ମନର ଆନନ୍ଦେ ଭକ୍ତ ବନ୍ଧୁ ଜନ

     ବ୍ରଜଧୂଳା ମୁଣ୍ଡେ ଘେନ ଯେ । ୬ ।

ହରିବଂଶ ତୃତୀୟ ଖଣ୍ଡ ବାଣୀ

ଅଚ୍ୟୁତାନନ୍ଦ ଙ୍କ ଅଟେ ସୃଜନୀ

ଦୋଳଯାତ ରାସ ମଣ୍ଡନ କଥା

ଷୋଳକୁଞ୍ଜେ ରାଧାକୃଷ୍ଣଙ୍କର ଗାଥା ଯେ

      ଅପୂର୍ବ ରାସ ବିଧାନ

ବସନ୍ତ ଋତୁର ଆଗମନେ ହୁଏ

    ଫାଲଗୁନ ପୂର୍ଣ୍ଣିମା ଦିନ ଯେ । ୭।


Rate this content
Log in

Similar oriya poem from Abstract