ରାକ୍ଷୀ ପୂର୍ଣ୍ଣିମା
ରାକ୍ଷୀ ପୂର୍ଣ୍ଣିମା
ସ୍ନେହ ପ୍ରେମ ଆଉ ତ୍ୟାଗର ପରବ
ଅଟଇ ରକ୍ଷା ବନ୍ଧନ
ଭାଇ ଭଉଣୀର ପ୍ରେମର ପ୍ରତୀକ
ଅତୁଟ ସ୍ନେହ ସମ୍ମାନ
ଶ୍ରାବଣ ମାସର ପୂର୍ଣ୍ଣିମାରେ ପଡେ
ପବିତ୍ର ପରବ ଏହି
ବଳଭଦ୍ର ଜନ୍ମି ଥିଲେ ଏହି ଦିନ
ଆନନ୍ଦ ଉଲ୍ଲାସ ମହୀ
ପୁରାଣ କହଇ ଅନେକେ କାହାଣୀ
ରକ୍ଷାବନ୍ଧନକୁ ନେଇ
ରାକ୍ଷୀ ଅଟେ ରକ୍ଷାକବଚ ଭଗ୍ନିର
ମାନ ତାହାର ରଖଇ
ବଳୀ ରାଜା ହସ୍ତେ ବାନ୍ଧିଥିଲେ ରାକ୍ଷୀ
ଲକ୍ଷ୍ମୀ ପାତାଳକୁ ଯାଇ
ପତିଙ୍କୁ ତାଙ୍କର ଆଣିବା ପାଇଁକି
ବିଷ୍ଣୁଲୋକ ବାହୁଡ଼ାଇ
ପଣତ କାନିକୁ ବାନ୍ଧିଲେ ଦ୍ରୌପଦୀ
ଦେଖି ଶ୍ରୀକୃଷ୍ଣଙ୍କ କ୍ଷତ
କୁରୁ ସଭାରେ ସେ କୋଟି ଵସ୍ତ୍ର ଦେଇ
ରଖିଲେ ତାଙ୍କ ମହତ
ମୋଗଲ ସମ୍ରାଟ ହୁମାୟୁନ ହାତେ
ବାନ୍ଧି ଥିଲେ ଦିନେ ରାକ୍ଷୀ
ମେୱାଡ଼ର ରାଣୀ କରମବତୀ ସେ
ଅଛି ଇତିହାସ ସାକ୍ଷୀ
ପୃଥିବୀ ଉପରେ ଆଠ ଗ୍ରହ ମିଶି
କରି ଥିଲେ ଆକ୍ରମଣ
ଚନ୍ଦ୍ର ହାତେ ରାକ୍ଷୀ ବାନ୍ଧିଲେ ଧରଣୀ
ରଖି ବାକୁ ତାଙ୍କ ମାନ
ସେହି ଦିନ ଠାରୁ ଚନ୍ଦ୍ରମା ବୁଲୁଛି
ଚାରି ପଟେ ପୃଥିବୀର
ସୁରକ୍ଷା ଦେଉଛି ଧରଣୀ ରାଣୀଙ୍କୁ
ରଖି ମର୍ଯ୍ୟାଦା ରାକ୍ଷୀର
ସୁଭଦ୍ରା ଵାନ୍ଧନ୍ତି ମମତାର ଡୋରି
ଜାଗା ବଳିଆର ହାତେ
ଜାଗା ବଳିଆବି ଶୋଭା ପାଇଥାନ୍ତି
ସୁଭଦ୍ରା ଭଉଣୀ ସାଥେ
ଅତୁଟ ବନ୍ଧନ ଅସରନ୍ତି ପ୍ରେମ
ରାକ୍ଷୀର ଏ ପରିଭାଷା
ଭାଇ ଭଗ୍ନି ହୃଦେ ବସା ବାନ୍ଧି ରହୁ
ମମତାର ଅଭିଳାଷା ।।