ଶୀତ ଆସିଲା

ହେମନ୍ତ ସରିଲା ଶୀତ ଆସିଗଲା

    ଲୋଡ଼ା ହେଲା କନ୍ଥା କମ୍ବଳ

ଦେହ ଥରିଯାଏ ହାତ କେମ୍ପା ଯାଏ

    ଶୀତ ଜାଡ ଅତି ପ୍ରବଳ

ଶଯ୍ୟା ଛାଡିବାକୁ ଇଚ୍ଛା ହେଉନାହିଁ

    କମ୍ବଳ ଭିତରେ ଶରୀର

ଘୋଡାଇ ରଖିବା  ଖରାରେ ବସିବା

    ଲୋଡ଼ା ହେଲା ଶୀତ ବସ୍ତ୍ରର

ପାଦ ଠାରୁ ମୁଣ୍ଡ   ଆଚ୍ଛାଦିତ କରି

    ଯେବେ ଯିବା ହାଟ ବଜାର

କୋହଲା ପବନ  ଦେହରେ ବାଜିଲେ

    ଥରି ଉଠେ ସାରା ଶରୀର

ପାଣିରେ ପଶିଲେ   ଥରିଯାଏ ଦେହ

    ବରଫ ପରାୟେ ଲାଗଇ

ପ୍ରବଳ ଶୀତରୁ   ମୁକୁଳିବା ପାଇଁ

   ନିଆଁ ଜାଳି ଦେହ ସେକଇ

ସୁଟ ଶ୍ୟାଟ କୋଟ  ଜ୍ୟାକେଟ, ଚାଦର

   ମଫଲର ଲୋଡ଼ା ହୁଅଇ 

ଗରମ ଗରମ    ଚା କଫି ଟିକେ

   ଦେହ କୁ ସତେଜ କରଇ ।