ଶେଷ ଇଚ୍ଛା
ଶେଷ ଇଚ୍ଛା
ମରିଗଲା ପରେ ମଶାଣି ଭୂଇଁରେ
ଆଖି ଖୋଲା କରି ରହିଥିବି ।
କାଳେ ତମେ ଆସି ମୋ ମୁହଁକୁ ଚାହିଁ
ଟିକେ କାନ୍ଦି ଦେବ ବୋଲି ।।
ମରିଗଲା ପରେ ମଶାଣି ଭୂଇଁରେ
ଓଠ ଖୋଲା କରି ରହିଥିବି ।
କାଳେ ତମେ ଆସି ସେଇ ଓଠକୁ ମୋ
ଟିକେ ଛୁଇଁ ଦେବ ବୋଲି ।।
ମରିଗଲା ପରେ ମଶାଣି ଭୂଇଁରେ
ଦେହ ଖୋଲା କରି ରହିଥିବି ।
କାଳେ ତମେ ଆସି ମୋ ଦେହକୁ ଥରେ
ଆଲିଙ୍ଗନ କରିଦେବ ବୋଲି ।।
ମୁଁ ଜାଣେ ନାହିଁ ଏଇ କଥା ମୋର
କେତେ ଦୂର ସତ ହେବ ।
ଭଗବାନଙ୍କୁ ଡାକେ ଯେତେ ଦୂରେ ଥାଉ ସାଥୀ
ମୁଁ ମରିଗଲେ ଆସିବ...।।