ଜହ୍ନରାତି

ଛନଛନିଆ ଜହ୍ନରାତି ମଧୁଭରା ପ୍ରୀତି 

ତମେ ଆଉ ମୁଁ ବୁଲୁଥିବା ପାଖାପାଖି 

       ଯେମିତି କେହି ନ ପାରିବେ ଦେଖି । 

ପାଗଳ ମନ ମୋର ଗାଉଥିବ ଗୀତ 

ସ୍ୱପ୍ନଭରା ନିର୍ଜୀବ ଚୁମ୍ବନ ସହ 

      ଜହ୍ନ କହିବ ଆମକୁ ଟିକେ ରୁହ।

ତୁମେ ସାଗରର ଢେଉ ଭାଙ୍ଗୁଥିବ 

ଚୋରା ପୀରତିରେ ତୁମକୁ ଦେଖୁଥିବି 

     ଆଉ ଏ ଦୁନିଆକୁ ଭୁଲିଯିବି।

ତମ ହୃଦୟରେ ଲୁଚିଯିବି 

ତମ ସହ ଖେଳୁ ଖେଳୁ 

   ଶୋଇଯିବା ବାଲୁକାଶଯ୍ୟାରେ କେତେବେଳୁ । 

ସ୍ୱପ୍ନ ଦେଖୁଥିଲି ବୋଧହୁଏ 

ଏ କି ମୋର ଅନୁଭୂତି 

       ତମେ ଯେ ନଥିଲ ମୋ ସହ 

      ଥିଲା ଖାଲି ଏ ଜହ୍ନରାତି।