କବିତା ଆଳାପ-15 (ଦ୍ଵିତୀୟ ସପ୍ତାହ) ଗୀତି କବିତା- ଆକାଶ

ମୋର ମନ ଆକାଶରେ ତୁହି ସୁନା ଚଢେଇ,

ଜାଣେନା ମୁଁ କେତେବେଳେ କିଏ ଦେଲା ଉଡ଼େଇ |(ଘୋଷା)

ଓ଼ଠରେ ଭରିଛି ତୋର ମିଠା ମିଠା ହରସ,

ହୃଦୟରେ ଭରିଅଛି ପୀରତିର ପିୟୁଷ |

ମୋ ପାଇଁ ତୋ ସୁନା ଦେହ କିଏ ଦେଲା ଗଢେଇ ?

ମୋର ମନ ଆକାଶରେ ତୁହି ସୁନା ଚଢେଇ,

ଜାଣେନା ମୁଁ କେତେବେଳେ କିଏ ଦେଲା ଉଡ଼େଇ | ((1)

ଆଖିରେ ମୋ ଭରିଦେଲୁ ସପନର ଅଳକା,

ତୋ ପାଇଁ ଫୁଟିଲା ମନେ କୋଟି କୋଟି ତାରକା |

କହି ଦେ ତୁ ଯିବୁନାହିଁ ପ୍ରୀତିଡୋର ଛିଡ଼େଇ,

ମୋର ମନ ଆକାଶରେ ତୁହି ସୁନା ଚଢେଇ,

ଜାଣେନା ମୁଁ କେତେବେଳେ କିଏ ଦେଲା ଉଡ଼େଇ |(2)