କହରେ ଭାଗ୍ୟ ତୁ
କହରେ ଭାଗ୍ୟ ତୁ
ଖୋଜି ଖୋଜି ପାଉନି ମୁଁ ମୋ ଜୀବନ ସାଥିକୁ
କୋଉଠି ପାଇବି ତାକୁ କହରେ ଭାଗ୍ୟ ତୁ
କେଉଁ ଦିନ ମିଳିବ ସେ ପାଇବି ମୁଁ ତାକୁ
ହେବ ସେ ମନର ମଣିଷ କହରେ ଭାଗ୍ୟ ତୁ
ମନର କାଗଜରେ ତା ଛବି ଆଙ୍କି ସାରିଲିଣି
ସ୍ଵପ୍ନରେ ତା ସଙ୍ଗେ ମୁଁ ଗପି ସାରିଲିଣି
ଚିହ୍ନି ପାରୁନି ମୁଁ ତାକୁ କହ ସେ କିଏ
ମନରେ ବସା ବାନ୍ଧି ଦେଇଚି ତ ସିଏ
ଯେଉଁ କାମ କରେ ସିଏ ତ ମନେପଡୁଛି
ବସିଲେ ଉଠିଲେ ଖାଲି ଶୂନ୍ୟରେ ଦେଖା ଦଉଛି
ସ୍ଵପ୍ନରେ ନୁହେଁ ବାସ୍ତବରେ ଦେଖିବାକୁ
ଇଚ୍ଛା ହୁଏ ତାକୁ
କେଉଁଠି ଦେଖିବି କୋଉଠି ପାଇବି
କହରେ ଭାଗ୍ୟ ତୁ
କେବେ ସେ ଆସିବ କଳାଘୋଡାରେ ଚଢ଼ି
ନେଇଯିବ ମୋତେ ତା ପାଖକୁ ଟାଣି
ଅପେକ୍ଷା କରିଛି ତା ବାଟକୁ ଚାତକ ପରି ଚାହିଁ
କେବେ ସେ ଆସିବ କହରେ ଭାଗ୍ୟ
ଦଉଛି ମୁଁ ତୋତେ ଜଣାଇ