ଜହ୍ନ

ପୂର୍ଣ୍ଣିମାର ପୂର୍ଣ୍ଣଚନ୍ଦ୍ର ଆଗୋ ସତେ

ବିମୋହିତ କରି ଦିଅ ତୁମେ ମତେ।

ତୁମ ମୁଖ ଦର୍ଶନରେ ହଜିଗଲି

ଜୀବନର ସବୁ ଦୁଃଖ ଭୁଲିଥିଲି।

ପ୍ରିୟତମା ପରି ମନକୁ ଶିଥିଳ

କରିଦିଏ ତୁମ ଶ୍ରୀମୁଖ ମଣ୍ଡଳ।

ଶୀତଳତା ଭରି ହୃଦୟେ ମୋହର

ଦେଉଥିଲ ସଦା ସୁଖର ସମ୍ଭାର।

ତୁମ ପରି ପ୍ରିୟତମା ଅଛି କାହିଁ

ଭଵ ମଧ୍ୟେ କେଉଁଠାରେ ଦେଖି ନାହିଁ।

ଆଲୋକରେ ତୁମ ଅଛି କେଉଁ ଯାଦୁ

ଆଲୋକିତ କରୁ ମହୀ ସହ ସିନ୍ଧୁ।

ଜୋଚ୍ଛନାରେ ଭିଜିଭିଜି ବସୁନ୍ଧରା

ଆନନ୍ଦେ ବିଭୋର ହୋଇଯାଏ ପରା।

ରାତ୍ରକାଳେ ଆକାଶରେ ଶୋଭାପାଅ ତୁମେ

ସରଗର ଶଶୀ ବୋଲି କହିଥାନ୍ତି ଜନେ।

ସଭିଙ୍କର ମାମୁଁ ସାଜି ଜନମନ କିଣୁ

ଶୀତଳ କିରଣ ବୁଣି ଅନ୍ତରକୁ ଜିଣୁ।