ଶେଷ ଅଧ୍ୟାୟ

ଜୀବନର ପ୍ରତିଟି ପୃଷ୍ଠାକୁ

ଲେଉଟାଇଲେ କାହିଁକି ଲାଗୁଛି ଡର,

ଆସିବକି ଶେଷ ଅଧ୍ୟାୟ ମୋର ।

ସୂର୍ଯ୍ୟ କିରଣ

ନୂଆ ଦିନର ଆଗମନ,

ପ୍ରତ୍ୟେକ ଦିନ ମୋର

ଆୟୁଷ ସମାନ ।

ପୁରୁଣା ପୃଷ୍ଠା ରେ 

ଗୋଧୂଳି ବେଳା ରେ 

ଲେଖିଥିଲେ ବସି କେତେ କାହାଣୀ ।

ସେହି କାହାଣୀ ଏବେ 

ଯାଇଛି ସରି,

ଯେଉଁ କାହାଣୀର ରାଜା

ଯାଇଛି ମରି

ଏଇ ବୋଧେ ଶେଷ ଅଧ୍ୟାୟ ଆସିଲା ଚାଲି ।

ପ୍ରେମର ସେହି 

ଘଡିସନ୍ଧି ମୁହୂର୍ତ୍ତରେ 

ତୋ ପାଖେ ଥିଲି ମୁଁ 

ତୋର ସେହି ଟିକି ହୃଦୟ ରେ ।

ଏତେ ଭଲ ତୁ 

କେମିତି ହେଲୁ

ମୋ ପାଖେ ଥାଇ ବି 

ଦୁରେଇଗଲୁ ।

ବୁଝିଲୁନି କି ଶୁଣିଲୁନି

ମୋର କେଇ ପଦ କଥା,

ସେମିତି ତୁ ଚାଲିଗଲୁ

ଦେଇ ମନେ ବ୍ୟଥା ।

ବହିର ଆରମ୍ଭେ

ପ୍ରଥମ ଅଧ୍ୟାୟେ

ହୋଇଥିଲା ତୋର ମୋର 

ପ୍ରଥମ ଦେଖା ।

ଦ୍ୱିତୀୟ ଅଧ୍ୟାୟେ

ହୋଇଥିଲା ତୋର ମୋର

କଥାବାର୍ତ୍ତା ।

ତୃତୀୟ ଅଧ୍ୟାୟେ

ସୃଷ୍ଟି ହୋଇଥିଲା 

କିଛି ଭଲ ପାଇବା 

ଏଇ ହୃଦୟ ରେ ।

ଚତୁର୍ଥ ଅଧ୍ୟାୟେ

ଭଲ ପାଇବା ଯାଇଥିଲା ମଉଳି

ସେ ସନ୍ଦେହ ରେ କୁହୁଳି କୁହୁଳି ।

ପଞ୍ଚମ ଅଧ୍ୟାୟ

ଶେଷ ଅଧ୍ୟାୟ ମୋର

ପ୍ରେମ ମୋର 

ଗଲା ସରି 

ତୁ ମତେ ଗଲୁ ଭୁଲି ।