ସବୁଠାରୁ ବଡ ଉପହାର

ଯାହାକୁ ମୁଁ ଭାବୁଥିଲି ଦିନେ 

ସବୁଠାରୁ ବଡ଼ ଉପହାର ମୋ ଜୀବନେ 

ତାହା ଯେ ସାଜିବ ଅଭିଶାପ କେବେ

ଜଣା ନ ଥିଲା ମୋତେ ।। ( 1 )

ଯେଉଁ ଉପହାର ପାଇ

ସପନ ରାଇଜରେ ଉଡି ବୁଲୁ ଥିଲି 

ମୁଁ ଯେ ଜାଣି ନ ଥିଲି 

ସେ କାଟି ଦେବ ମୋ ଡେଣା ବୋଲି ।। ( 2 )

ଯେଉଁ ଉପହାର ପାଖକୁ ଯାଇ 

ମୁଁ ନିଜକୁ ଦେଲି ଯେ ବାନ୍ଧି

ହେଲେ ଜାଣି ପାରିଲି ନାହିଁ 

ଯେ ସେ ଉପହାର ମୋ ଗୋଡର ଶିକୁଳି ।। ( 3 )

ମୁଁ ଯେଉଁ ସମ୍ପରକକୁ ଉପହାର ଭାବି

ସାରା ଜୀବନ ସାଙ୍ଗେ ରହିବା ପାଇଁ ପଡିଲା ହାତ ଗଣ୍ଠି 

ତାହା ଆଜି ସାଜିଛି ଫାଶୀର ଦଉଡ଼ି  

ଛଳନାର ଶୀକାର ହୋଇ ।। ( 4 )

ଯେଉଁ ଉପହାରକୁ ପାଇ 

ସାଜି ଥିଲି ଗୃହଲକ୍ଷ୍ମୀ 

ମୋର ଅସ୍ତିତ୍ୱ ନେଲା ସେ ଯେ ଛଡାଇ

ମୋ ବିଶ୍ୱାସରେ ବିଷ ଦେଇ ।। ( 5 )

ଯାହାକୁ ଭାବି ଥିଲି ସବୁଠାରୁ ବଡ ଉପହାର 

ତା ସହ କରିଲି ଘର ସଂସାର 

ହେଲେ ଜାଣି ନ ଥିଲା ସେ ଯେ ଥିଲା ବାଲି ଘର

ଧୋଇ ନେଲା ତାକୁ ଜୀବନର ଝଡ ।। ( 6 )

ଯାହାକୁ ଭାବି ଥିଲି ସବୁଠାରୁ ବଡ ଉପହାର

ପିନ୍ଧିଲି ସିନ୍ଥିରେ ସିନ୍ଦୁର 

ଜଣା ନଥିଲା ତାହା ଥିଲା ରକ୍ତର ଗାର

କରି ଦେଲା ମୋ ଜୀବନକୁ ଅନ୍ଧକାର ।। ( 7 )