ମୁହାଣ ସାଗର ନଦୀର ମିଳନ

ସେ ଯେ ପାହାଡୀ କନ୍ୟା 

ବହି ଯାଇ ସାଗରେ ମିଶିବା ତାର ଧର୍ମ ପରା 

ନାମ ତାର ଅନେକ 

ନଦୀ, ନଈ ,ସ୍ରୋତସ୍ୱତୀ, ସରିତ । 

ପ୍ରକୃତିର ଖେଳ ଦେଖ 

ସାଗର ଓ ନଦୀର ମିଳନ

ଲୁଣଯୁକ୍ତ ସହ ମଧୁର ଜଳର ସଂଗମ 

ସୃଷ୍ଟି କରନ୍ତି ମୁହାଣ । 

କେତେ ଦୂରରୁ ପାହାଡ ପର୍ବତ ଡେଇଁ 

ବହି ଆସି ଥାଏ ନଈ

କେତେ ସମତଳ ଦେଇ 

କେବଳ ତାର ସାଥୀ ସାଗର ସହ ମିଳନ ପାଇଁ । 

କଳ କଳ ନାଦ ଅରି ନଈ

ଯେତେବେଳେ ବହି ଆସି ମହୋଦଧିରେ ମିଶଇ

ଭୁଲି ଯାଇ ନିଜ ଧର୍ମ ସାଗରକୁ ଆଲିଙ୍ଗନ କରଇ ।

ନଦୀ ପରା ପ୍ରେମ ପାଗଳୀ 

ସାଗର ଜୁଆରରେ ମିଶି ଜୁଆରିଆ ଟିକେ ହୁଅଇ

ହେଲେ ସର୍ବଦା ଗର୍ଜୁ ଥିବା ସାଗର

ନଦୀ ସହ ମିଶି ହୁଅଇ ଅପେକ୍ଷା କୃତ ଶାନ୍ତ ।

ମୁହାଣରେ ନଦୀ ଓ ସାଗରର ମିଳନ 

ହେଲେ ସାଗର ନିଜ ମର୍ଯ୍ୟଦାରେ ରହି କରି ନାହିଁ ସୀମା ଉଲଘଂନ 

ନିଜେ ଲୁଣିଆ ହୋଇ ମଧ୍ୟ ନଦୀର ଜଳକୁ ରଖିଛି ମଧୁର । 

ନଦୀ ଓ ସାଗରର ମିଳନ 

ବିଚିତ୍ର ପ୍ରକୃତିର ଏ ବିଧାନ

ମାଆ ଶକ୍ତି ଓ ପ୍ୟଭୁ ଶିବଙ୍କର ମିଳନ

ହୁଅଇ ଏକ ପବିତ୍ର ସ୍ଥଳ । 

ମୁହାଣରେ ମିଳଇ

ମଧୁର ଓ ଲୁଣିଆ ସବୁ ପ୍ରକାରର ମୀନ

ପ୍ରାକୃତିକ ସୌନ୍ଦର୍ଯ୍ୟର ଗନ୍ତାଘର 

ନଦୀ ଓ ସାଗର ପରସ୍ପରକୁ ଦିଅନ୍ତି ସମ୍ମାନ । 

ମୁହାଣ ହୁଅଇ ଦର୍ଶନୀୟ ସ୍ଥାନ 

ଝାଉଁ ବଣ ଦିଶଇ ପାଖ ପାଖ 

ପର୍ଯ୍ୟଟକଙ୍କୁ କରଇ ଆକର୍ଷଣ 

ଆସନ୍ତି ନୌକାରେ କରିବା ପାଇଁ ଦର୍ଶନ 

ନଦୀ ଓ ସାଗରର ମିଳନ ପରା ଯୁଗ ଯୁଗର ।