ସ୍ବପ୍ନ

         

ଅନେକ ପ୍ରକାରର ସପନ ଦେଖୁଛି

ହେଲେ ଆଜିର ସପନ ଭିନ୍ନ

ସେ ସପନରେ ଥିଲେ ମୋ ପ୍ରେମିକ

ତା ସରି ହେବ କିଏ ସମାନ ॥

ଆକାଶରୁ ଚାନ୍ଦ ଆଣ କହିଲେ ବି

କରନ୍ତିନି କେବେ ମନା

ମଥାରେ ସିନ୍ଦୁର ହାତେ ଶଙ୍ଖା ଦେବାକୁ

ହେଲେଣି ସେ ଆନମନା ॥

ମେଘକୁ ମୟୂର ଭଲ ପାଏ ଯେତେ 

ସେତେ ଭଲ ପାନ୍ତି ମୋତେ

ମୁଁ ବି ମୋ ଠାରୁ ତାଙ୍କୁ ଅଧିକ ଭଲ ପାଏ

ଏଣୁ ଭଲ ପାଇବା ବଢୁଛି ସେତେ ॥

ମୋ ଘରକାମରେ ନିତି ହାତ ବଢାନ୍ତି

ନ ଭାବି କାହାର କେଉଁ କାମ

କିଏ ଯଦି କେବେ ପ୍ରଶ୍ନ ତାଙ୍କୁ କରେ

ମୁଁ ତା ପାଇଁ ହୋଇଛି ଜନମ ॥

କାହାର ନଜର କେବେ ବି ନ ପଡୁ

ଆମ ପ୍ରେମ ପୁସ୍ତକରେ

କିଏ ଯଦି କେବେ ଚେଷ୍ଟା ବି କରିବ

ବୁଝାଇବି ତାକୁ ଚାପୁଡାରେ ॥