ସେ ମୁହୂର୍ତ୍ତ

ତୁମେ ବା କେମିତି ଜାଣିବ

ମୁଁ ତୁମକୁ କେତେ ଭଲ ପାଏ

ଆଗରୁ ଯେମିତି ମୁଁ ଥିଲି

ଆଜି ବି ଠିକ୍ ସେମିତି ଅଛି

ହେଲେ ତମେ ବଦଳିଯାଇଛ।

ସେ ବର୍ଷା ଋତୁର ପ୍ରତି କଥା 

ଆଜି ମନ ପଡିଗଲେ ଅନେକ

ସୁଖ ଆଉ ଆନନ୍ଦ ମିଳୁଛି

ତୁମେ ଭୁଲିଗଲ ବୋଲି ଦୁଃଖ 

ତିଳେ ବି ନାହିଁ ମନରେ

ବର୍ଷା ସହ କିଛି ସ୍ମୃତି ଯାହା

ହୃଦୟକୁ ଶୀତଳ ଭୋଗ ଦେଉଛି।

ହେଲେ ମୁଁ ଜାଣିଛି ତୁମେ ବି

ନିଶ୍ଚୟ ଦିନେ ସେ ସ୍ମୃତି କୁ 

ଦୋହରାଇ ମୋତେ ଆପଣେଇବ

ଆଉ ମୋ ସ୍ବପ୍ନ ପୁରା କରିବ

ତେଣୁ ତ ମୁଁ ଆଜି ବି ଅପେକ୍ଷାରେ।