ସାଥୀ

ସାଧୁଆ, ରାଧୁଆ -ଦଧିଆ ସାଙ୍ଗ

ଏକକୁ ଆରକ ତିନିଟା ଯାକ ।

ସାଧୁଆ କୁହଇ ବାହାର ଭାଇ

ସାମଲ ବାଡ଼ିର ପିଜୁଳି ପାଇଁ ।

ରାଧୁଅ ଦଧିଆ ନକରି ମନା

ଦଧିଆ ଗଛକୁ ଚଢଇ ଅନା ।

ପାକଳ ପିଜୁଳି ଗଛରୁ ତୋଳି

ଯାଉଥିଲା ଖାଇ ଦାନ୍ତରେ ଖୋଳି ।

ସାଧୁଆ ରାଧୁଆ ବିକଳ ପରି

ଗଛତଳେ ଥାଇ ମାଗନ୍ତି ଡରି ।

ସାମଲ ବାଡି଼କୁ ଆସିଲା ଧାଇଁ

ରାଧୁଆ ସାଧୁଆ ଲୁଚିଲେ ଯାଇଁ ।

ଦଧିଆ କୁ କୁହେ ବାଳୁଙ୍ଗା ତୁହି 

ଗାଲେ କଷିଦେଲା ଚାପୁଡ଼ା ଦୁଇ ।

ଦଧିଆ ସେଇଟି ପଡିଲା ଟଳି

ଘୁରି ଗଲା ମୁଣ୍ଡ ଦେହଟା ଜଳି ।

ସାମଲ ଭୟରେ ଡାକିଲା ବାବୁ 

କିଛି ହେଲେ ଲୋକେ କରିବେ କାବୁ ।

ଉଷୁମ କ୍ଷୀରକୁ ଗିଲାସେ ଆଣି

ପିଇ ଦିଅ ବୋଲି କୁହଇ ଜାଣି ।

ଘରକୁ ପଳାରେ ଏଠାରୁ ଧାଇଁ

ଏପରି ଆଉତୁ କରିବୁ ନାହିଁ ।

ସାମଲ ଆଗରେ ଶପଥ କଲା

ଚୋରୀ କରିବନି ଆଜିଠୁ ଭଲା ।